"Troja" paralajmeron koncert ne Vlore per 100-vjetorin e pavaresise

Sheshi i qytetit ne te cilin nje shekull me pare u shpall pavaresia e shtetit shqiptar, do te shnderrohet ne arene per trojanet. Katershja e rock bendit te njohur kosovar ka perzgjedhur 28 nentorin per te performuar ne Vlore. Me ftese te Bashkise se Vlores, "Troja" per me shume se nje ore, do te performoje "live", hitet qe ka realizuar nder vite. Por, sipas frontmenit te "Trojes", Bujar Berisha, koncerti i cili i dedikohet 100-vjetorit te shpalljes se pavaresise se Shqiperise, nuk do te jete i zakonshem. "Do te jete nje lloj proteste", ka thene Berisha. Kenge si "Amaneti i Clownit", "Mbreteresha kohe", "Nuk po muj ma" e "Jena na", do te jene vetem disa nga "armet" me te cilat "Troja" do te protestoje ne skenen e Vlores. E kjo, per nje arsye. "Shume me shume do te kishim mundur te arrinim per 100 vjet shtet nese njerezit qe kane marre persiper te udheheqin vendin do te vinin ne rend te pare interesin kombetar e ne te dytin ate personal", ka shpjeguar Berisha.