Tuneli i integrimit

Hapja e tunelit te Kalimashit eshte ndjekur me emocione dhe vemendje edhe nga pjesa tjeter e shqiptareve, e atyre qe jetojne ne Maqedoni.

Perfaqesuesit e tyre e konsiderojne perurimin e kesaj vepre, nje ngjarje te rendesishme per zhvillimet integruese jo vetem te shqiptareve, por te te gjithe rajonit.

“Sot po vazhdon procesi i te berit nje te kombit shqiptar. Dhe shqiptaret anembane ne Mal te Zi, ne Cameri, ne Maqedoni, ne Luginen e Presheves, ne Shqiperi dhe Kosove, festojne kete mrekulli”, eshte shprehur Artan Grubi, kryetar i levizjes “Zgjohu”, ne Shkup.

Per politikanet shqiptare ne Shkup, rruga Durres-Kukes do te kete nje impakt shume dimensional.

“Eshte nje investim shume i rendesishem i pare ne disa dimensione. Ne pikepamjen ekonomike do te ndihmoje qeverine e Kosoves te implementoje veshtiresit ne rimekembjen e ekonomise kombetare, ne dimensionin gjeopolitik do te ndihmoje Kosoven dhe Shqiperine qe te integrohen”, eshte shprehur zedhenesi i DR-se, Fexhri Selami.

“Eshte nje kontribut jo vetem i integrimit shqiptar, por edhe ndaj integrimit rajonal. Ato rruge drejt bregdetit shqiptar, nuk do t’i shfrytezojne vetem shqiptaret, por te gjithe qytetaret e rajonit. Eshte edhe nje mundesi qe t’i heqim paragjykimet qe per vite me radhe ekzistojne ne Ballkan”, eshte shprehur Teuta Arifi, deputete e BDI-se.

PDSH, permes nje nje deklarate per shtyp ka thene se kjo rruge duhet t’i mesoje qeverise se Shkupit se si lidhen shtetet dhe t’i jape fund politikave te saj izolacioniste.