Turqi, arrestohen 15 të dyshuar si pjesëtarë të al-Kaidës

Ankara - Policia turke arrestoi 15 persona të dyshuar si pjesëtarë të rrjetit terrorist të al-Kaidës. Operacioni u zhvillua në provincën e Konyas, në Turqinë qendrore, dhe në provincat lindore të Shanllëurfas dhe Gazientepit, të cilat ndodhen në kufi me Sirinë.

Terroristët e al-Kaidës kanë kryer në të shkuarën disa sulme në Turqi. Në vitin 2003 ata vranë më shumë se 60 persona përmes një serie sulmesh në Stamboll.