Turqi, vogëlushja bie nga kati i shtatë, mbijeton

Vogëlushja dyvjeçare ka mbijetuar pasi ka rënë nga kati i shtatë, falë fatit që ka rënë në borë dhe nuk ka marrë dëmtime të rënda, raporton agjencia turke e lajmeve Anatolia.

Fëmija ka rënë nga tarraca e apartamentit në qytetin Mus, në lindje të Turqisë.

Mjekët e spitalit ku është vendosur dyvjeçarja, kanë thënë se “vogëlushja është jashtë rrezikut për jetën, por do të vazhdojë të qëndrojë nën mbikëqyrjen e mjekëve edhe për disa ditë”.

Nëna e vajzës, e cila në momentin e incidentit raportohet të ketë qenë në kuzhinë, ka thënë se është ndjerë e tronditur kur është njoftuar nga fqinjët.