U shpërthen granata me të cilën po luanin, plagosen tre fëmijë

Burime nga policia lokale njoftojnë se tre vëllezërve të moshës 13, 10 dhe 6-vjeçare u shpërtheu granata me të cilën po luanin. Sipas të njëjtave burime, fëmijët janë të shtetasit Flamur Çuni.

Fëmijët janë nisur me urgjencë për në Spitalin Ushtarak në Tiranë ndërkohë që policia po punon për zbardhjen e plotë të ngjarjes.

Njëri prej fëmijëve të plagosur raportohet se është në gjendje më të rëndë, pasi dyshohet se në momentin e shpërthimit, granata ishte në duart e tij./Start/

                                                                                             2012-07-18 11:09