Uldedaj: Reforma fiskale, biznesi kerkon transparence
Ajo qe shqeteson me te drejte komunitetin e biznesit, tani, eshte mungesa e informacionit per kete reforme te rendesishme. Ky eshte shqetesimi permanent i komunitetit te biznesit i shprehur per median nga kryetari i Dhomes se Tregtise Tirane, Gjoke Uldedaj. Sipas tij, asnje institucion nuk ka bere te ditur politikat e reja te uljes se taksave. Ekspertet e qeverise, keshilltaret e shefit te qeverise, ekspertet e dikasterit te financave, pikerisht keto politika te reja duhet t'i bejne pjese te debatit publik, shtoi ai. Uldedaj thote se tashme sipermarrja eshte e afte te behet pjese e debatit profesional, per te permiresuar cdo politike te re, qe shkon ne drejtim te zbatimit rigoroz te ligjit, qe minimizon evazionin dhe informalitetin e ekonomise, qe shton te ardhurat ne buxhetin e shtetit, apo qe ndikon ne rritjen e zhvillimin e biznesit privat dhe sidomos ne rritjen e punesimit. Prane Dhomes se Tregtise dhe Industrise jane duke u atashuar tashme edhe Bordet Keshilluese me specialiste te fushave perkatese, te cilat duhet te behen pjese e debatit publik e profesional. Reforma fiskale shkund administraten tatimore dhe realizon nje administrim tatimor ne nivele standarde, duke kaluar ne metoda te reja, por te njohura nga vendet e tjera. Por Uldedaj mendon se eshte detyre e biznesit qe te ofroje dicka ndryshe. "Kjo eshte arsyeja kryesore qe ne kembengulim per nje debat produktiv dhe real ne kete fushe. Ndryshimet ligjore nuk mund te jene monopol i nje grupi te caktuar njerezish, pa iu nenshtruar edhe diskutimit me grupet e tjera te interesit", shtoi ai. Keshtu, sfida per te aplikuar nje takse te sheshte krijon premisa per nje zhvillim te vrullshem te biznesit privat, i kontribuon rritjes ekonomike, ul korrupsionin dhe informalitetin. Nga ana tjeter, rrit vetedeklarimin e biznesit dhe jep efekte pozitive sociale per rritjen e punesimit. Por, edhe zvogelon ndjeshem abuzimet nga ana e administrates tatimore, tha perfaqesuesi i nje prej organizatave me te medha te biznesit ne vend. Keto dukuri, sipas tij, jane aktualisht problem jo vetem per qeverisjen, por edhe per vete biznesin. Ulja e barres fiskale eshte nje sinjal, qe shteti i drejton sektorit privat, dhe duhet konsideruar si nje hap i pare ne luften kunder informalitetit, ne menyre qe te gjithe te paguajne detyrimet njelloj, shtoi ai. Por, ne ndermarrjen e reformave te tilla, sigurisht qe duhen pare te dy anet e se njejtes medalje. Nese qeveria ul barren fiskale, pa i kushtuar rendesi grumbullimit te plote te te ardhurave, rishperndarjes efikase te tyre dhe, pra, edhe rritjes se investimeve, reforma merr note negative. Sipas Uldedajt, biznesit nuk i duhet nje takse me e ulet, kur e mbyt informaliteti, mungesa e konkurrences dhe korrupsioni. Biznesit vendes, apo atij te huaj, nuk i duhet nje takse e ulet, kur investimet dhe shpenzimet e shtetit nuk shkojne ne permiresimin e infrastruktures, ne plotesimin e kerkesave per energji elektrike, ne rritjen e performances se administrates publike etj. Edhe kete rast, reforma merr note negative. Nese do t'i referohemi sondazheve dhe analizave ekonomike, tha Uldedaj, do te veme re lehtesisht qe, nuk ka qene shqetesim ne rritjen e performances se biznesit niveli i taksave, sesa ka qene administrimi fiskal apo nevoja per rritjen e shpenzimeve publike. "Kjo eshte arsyeja, qe ne kerkojme barre me te ulet fiskale per te rikapitalizuar te ardhurat tona dhe, pra, per te rritur punesimin, sikunder kerkojme mbledhjen e drejte, te barabarte dhe neutrale te tatimeve e taksave, per te ndikuar ne ritme me te larta te rritjes ekonomike te vendit", tha ai. Ajo qe mbetet ne fund te dites, eshte ndermarrja e politikave efikase ne fushen e tatim-taksave, ne nje partneritet te spikatur me sipermarrjen dhe ne nje transparence te plote. Kjo eshte gjuha me e mire e mirekuptimit dhe e realizimit te ketyre politikave, sugjeroi Uldedaj.