"Unaza e madhe, financim nga qeveria"

Qeveria do te ndertoje unazen e madhe te Tiranes, ne rast se bashkia deshton ne sigurimin e kredise, per shkak te performances se saj te mjerueshme fiskale. Kjo ka qene deklarata qe ka bere dje Kryeministri Berisha ne mbledhjen e Komitetit te Planifikimit te Strategjive. Unaza e Madhe ka nje gjatesi prej 5.5 kilometer dhe eshte projektuar te kaloje ne zonen e Selites, prane Kopshtit Botanik dhe Zoologjik, ne kodrat mbrapa Parkut te Madh te Tiranes, ne kodrat e Saukut dhe lidhet me Rrugen e Elbasanit prane Akademise se Rendit Publik."Unaza e madhe e Tiranes eshte nje domosdoshmeri per qytetin. Bashkise do t'i ofrohet mundesia per shpronesimin. Shanset e bashkise per t'u bere e zgjedhshme per kredi jane minimale, pasi performanca e saj fiskale eshte e mjerueshme, megjithese informohem se ka nje Departament per mbledhjen e taksave prej 300 punonjesish, aq sa edhe Drejtoria e Pergjithshme e Tatimeve ne Shqiperi", ka qene deklarata e Berisha. Ai ka kembengulur se sipas kesaj performance, llogaritet qe ajo te mund ta shlyeje nje kredi minimalisht ne 125 vjet. "Nuk ka institucion bankar dhe institucion financiar qe te mund te ofroje kredi me nje afat mbi nje shekullor", tha ai. Kredia pritet qe te merret nga ana e bashkise pasi ne baze te ligjit te ri nje mundesi e tille i jepet pushtetit vendor per te financuar projekte te ndryshme. "Ndonese ne e beme ligjin e kredimarrjes se pushtetit vendor, shanset per t'iu akorduar kredia direkt eshte i pashprese. Megjithate, konform premtimit te dhene per shpronesimin, duhet te bejme menjehere disponibel fondin e shpronesimit", premtoi Kryeministri Berisha. Per te cilin, ne rast se bashkia, e cila, sipas vleresimeve te deritanishme, nuk eshte e pershtatshme per t'u kredituar, pasi nuk jep garanci per faktin e permendur me siper, atehere do ta ndertoje qeveria unazen. "Ministria e Puneve Publike do te marre persiper detyrimin sa me te shpejte per kete dhe fillimin e punes," u shpreh Berisha. Qellimi kryesor i Unazes se Madhe te Tiranes ne te cilin perfshihet edhe ky segment rrugor, eshte lidhja e rrugeve hyrese te qytetit te Tiranes (Rruga e Durresit, ajo e Kavajes dhe Rruga e Elbasanit) midis tyre pa kaluar nepermjet rrugeve urbane te qendres se qytetit, si per mjetet e renda dhe per autoveturat. Rruga e re parashikohet qe te perballoje nje trafik me mbi 20 mije shkelje ne dite, qe ne momentin e pare te funksionimit te saj dhe duke llogaritur nje rritje trafiku prej mesatarisht 7% ne vit. Kjo rruge parashikohet te perballoje trafikun me kushte optimale deri ne vitin 2021. Ajo llogaritet te shmange nje pjese te rendesishme te trafikut ekzistues, qe sot kalon neper qendren e Tiranes, ose ne Unazen ekzistuese. Ne oret e pikut, si rezultat i ketij trafiku dhe i kapacitetit te rrugeve ne Unaze dhe ne Rrugen e Elbasanit, shpejtesia mesatare e levizjes eshte deri 5 km ne ore.