Urdhri: Dentistet te afishojne cmimet Sonila Isaku

Klinikat dentare duhet te kene te afishuar cmimet e tyre per cdo lloj sherbimi qe ofrojne ne gojen e pacientit. Ky eshte nje nga urdhrat me te fundit te Miratuar nga Ministria e Shendetesise, ndersa ka hyre edhe ne kriteret baze per hapjen e nje klinike dentare. Te gjitha keto masa jane marre per shkak te abuzimeve te shumta qe benin stomatologet me pacientet e tyre duke u vendosur cmime te ndryshme duke e vleresuar pacientin edhe nga aparanca. Por, ky abuzim sipas Ministrise se Shendetesise do te marre fund, pasi cdo sherbim do te kete cmimet dysheme.
Urdhri
Pervec kritereve higjieno-sanitare, profesionale dhe certifikimeve te afishuara ne vende te dukshme, klinikat dentare duhet te shkruajne ne nje tabele te dukshme edhe cmimet per cdo sherbim. Urdhri eshte dhene nga Ministria e Shendetesise. "Stomatologet jane lajmeruar se nje nga kriteret e nevojshme per te marre certifikimin nga strukturat shendetesore, apo per miratimin e lejes aktuale, vec kritereve te tjera, eshte qe te respektohet edhe urdhri i ri: afishim i cmimeve per cdo sherbim dentar, nga me i thjeshti deri te me i shtrenjti. Keshtu, pacientet krijojne nje ide me te qarte te kostos qe do te kete sherbimi shendetesor, si dhe jane te informuar per sasine e parave qe do te derdhin ne fund te procesit" pohojne drejtuesit e sektorit stomatologjik ne MSH. Nga ana tjeter, inspektoret stomatologe, pervec kushteve higjieno-sanitare, rregullit te klinikes per pasterti, profesionalizem dhe licencim, do te kontrollojne edhe per zbatimin e urdhrit. Kerkohet qe te gjithe stomatologet te afishojne listen e cmimeve te sherbimit, si dhe diplomen apo specializimet e kryera ne fushen e stomatologjise. Sipas sektorit te stomatologjise, keto jane edhe dy kushtet kryesore qe duhet te kerkoje cdo pacient para se te marre sherbimin ne nje nga klinikat dentare ne te gjithe vendin, ne zona urbane apo rurale.
Ankesat
Te gjitha keto masa jane marre nga Ministria e Shendetesise per vete faktin se ankesat te cilat rezervohen tek Urdhri i Mjekut kane te bejne me sektorin e stomatologjise. Sipas drejtuesve te ketij institucioni tipat e ankesave jane te ndryshme duke filluar nga cmimet e larta, ose qe ndryshojne nga klinika ne klinike apo nga pacienti ne pacient. Po keshtu te tjera ankesa kane te bejne me sherbimin jo cilesor te ofruar ne disa raste, ku pacientet kane paguar cmime marramendese per vendosjen e urave te reja te cilat nuk i kane pasur funksionale. Per kete arsye Ministria e Shendetesise ka vendosur qe jo vetem sektori spitalor, por dhe ai dentar tashme e ka te detyruar publikimin e listes se te gjitha cmimeve per sherbimet qe ato afrojne. Lista e cmimeve duhet te publikohet se bashku me diplomen dhe licencen per ushtrimin e aktivitetit. Dokumentacioni, licenca, kualifikimi i plote i stomatologut, si dhe higjiena, jane kushtet kryesore qe duhet te permbushin klinikat stomatologjike per te vazhduar aktivitetin apo per te celur nje te ri, vec dokumentacionit te kerkuar nga zyra e licencave.
Dentistet me pulla si ilacet
Sipas sektorit te stomatologjise ne Ministrine e Shendetesise, kane nisur kontrollet ne te gjithe vendin per zbatimin e standardeve dhe rregullave qe kerkohen per te mbajtur nje klinike private stomatologjike. Nderkohe qe eshte menduar zbatimi i nje projekti per vendosjen e pulles se sigurise. Njesoj si ilacet, edhe qendrat dentare do te kene "te ngjitur" nje pulle sigurie. Keshtu, te gjithe pacientet qe shkojne ne klinikat stomatologjike per te trajtuar dhembet, semundjet e gojes apo edhe thjesht per konsulte, do ta kene me te thjeshte per te kuptuar nese mjedisi ku ndodhen eshte vertet i paster dhe i kontrolluar. Pas perfundimit te nje pjese te mire te kontrolleve dhe referimeve te problematikave te vezhguara nga inspektoret, do te shihet me prioritet nisja e shperndarjes se pullave te sigurise ne te gjitha ato klinika te kontrolluara, te licencuara dhe te rregullta ne zbatimin e standardeve te kerkuara, si per higjiene, ashtu edhe per profesionalizem.
Klinike dentare, rregulla te reja per ta hapur
Te hapesh nje klinike detare tashme do te jete me e veshtire, pasi Ministria e Shendetesise ka vendosur nje sere kushtesh te rendesishme te cilat duhet te jene te zbatueshme kudo dhe nga kushdo pavaresisht vendit ku do te hapet ajo. Ky eshte vendimi me i fundit i marre nga Ministria e Shendetesise pas disa kontrolleve te ushtruara ne disa qytete te vendit pasi klinikat e rretheve por edhe ato te periferise se Tiranes kane abuzuar me licencat e marra duke filluar qe nga kushtet hijeno-sanitare, ambientet por edhe me cmimet. Por, ne disa raste ato kane abuzuar edhe me licencat duke mos u pajisur me nje te tille. Nisur nga te dhenat, nga ankesat e banoreve te pallateve dhe kontrollet e inspektoreve ne terren, do te kerkohet zbatimi i rregullave te reja per te gjithe stomatologet qe punojne ne klinika dentare, publike apo private. "Te gjitha klinikat dentare ne Tirane por edhe ne dy rrethe te tjera te vendit kane kaluar nen siten e inspektoreve te Ministrise se Shendetesise. Nga keto kontrolle ne kemi konstatuar nje sere shkeljesh te cilat kishin te benin me moszbatimin e rregullave te vendosura" ka pohuar Enea Nuredini, shef i sektorit stomatologjik prane Ministrise se Shendetesise. Sipas tij, dokumentacioni, licenca, kualifikimi i plote i stomatologut si dhe higjiena jane kushtet kryesore qe duhet te permbushin klinikat stomatologjike per te vazhduar aktivitetin.
Ne fazen e pare te kontrollit perfshihen mbi 1200 klinika private, qe do te inspektohen per licencimin, kushtet higjieno-sanitare dhe standarde te tjera te kerkuara. Po keshtu nje tjeter rregull eshte edhe zbatimi i hapesires i cili duhet te jete mbi 22 meter katrore.
Abuzuesit gjobe nga 50 deri ne 200 mije lek
Klinikat dentare te cilat kane shkelur rregullat e kontratave me Ministrine e Shendetesise por edhe te licencimit iu jane nenshtruar masave, duke marre gjoba nga 50 mije lek deri ne 200 mije. "Per te gjitha ato klinika te cilat u pane parregullsi si ato qe thame me lart jane marre masa" ka pohuar Enea Nuredini, shef i sektorit stomatologjik prane Ministrise se Shendetesise. Sipas tij, nese keto gjoba nuk paguhen apo subjekti nuk permireson kushtet dhe gjate nje inspektimi verehen perseri probleme atehere atij automatikisht i jepet vendimi per mbylljen e aktivitetit.
Jo vetem sektori spitalor, por dhe ai dentar tashme e ka te detyruar publikimin e listes se te gjitha cmimeve per sherbimet qe ato afrojne. Lista e cmimeve duhet te publikohet se bashku me diplomen dhe licencen per ushtrimin e aktivitetit. Tashme jane perpiluar listat e laboratoreve private dentare qe ushtrojne aktivitetin ne kate pallatesh. "Jemi ne dijeni se ne sektorin shteterore ekzistojne probleme me ata stomatologe qe ofrojne sherbim me pagese, per ato kategori qe ne fakt sherbimin duhet ta kene falas. Toleranca do jete zero per te gjitha rastet flagrante", theksoi Nuredini. Sipas tij, kontrollet do te ushtrohen edhe ne institucionet shteterore.