Vleresimi i spitaleve, “nxin” Tepelena

Sonila Isaku
Cilesia e sherbimit dhe e strehimit ne spitalet tona le shume per te deshiruar. Ka mjaftuar vetem nje anketim qe i eshte bere pacienteve te shtruar, qe ka treguar edhe nivelet se ku ndodhen spitalet ne vendin tone. Sipas nje studimi te bere publik dje nga Qendra Kombetare te Cilesise, Sigurise dhe Akreditimit te Institucioneve Shendetesore me pacientet, ka rezultuar se spitali i Tepelenes ka qene me i dobet si ne nivelin shendetesor ashtu edhe ne kushtet qe u ka ofruar pacienteve. Nderkohe e vetmja arritje qe eshte vleresuar per te ka qene ndjekja e pacientit pas daljes nga spitali. Nderkohe, pacientet kane vleresuar spitalin e Durresit, si me te mirin ne vend. Po sipas anketimit, edhe spitalet e qytetit te Lushnjes dhe te Shkodres kane treguar nivel te ulet te sherbimit infermieror, ndersa, kujdesi i mjekeve per pacientet ka qene me i keq ne spitalin e Beratit, Shkodres dhe Tepelenes. Lidhur me eksperiencen e ambienteve te spitaleve, opinioni i qytetareve ka vleresuar si jo te kenaqshme godinat e spitalit te Tepelenes, Shkodres dhe Lushnjes.
Ndonese prej nje viti, Qendra Kombetare te Cilesise, Sigurise dhe Akreditimit te Institucioneve Shendetesore po merret me matjen e cilesise se sherbimeve shendetesore ne spitale aktualisht nuk ka asnje te dhene konkrete. Rezultatet e vleresimit te krahasuar te cilesise dhe performances ne 12 spitalet me te medha te vendit, treguan se keto institucione kane pergjithesisht te njejtat probleme ne arritjen e standardeve. Por, drejtuesit e Qendres se Cilesise dhe Akreditimit nuk kane permendur asnje emer, por jane mjaftuar vetem me numrat qe iu kane ngjitur ketyre spitaleve. “Nisma ka te beje me orientimin e pacienteve drejt sherbimit me te mire. Risia e ketij vleresimi nuk eshte kontrolli, por ne fillim ne ju kemi dhene kohen qe spitalet te vetevleresojne veten, duke pikezuar vete menyren e ofrimit te sherbimeve mjekesore”, ka pohuar drejtori i QKCSA-se, Isuf Kalo. Nje tjeter fakt qe u be publik ka qene se pjesa me e madhe e pacienteve nuk kane pasur as informacionin me te vogel per te drejtat e tyre. “Pacientet shqiptare jane pasive, te painformuar dhe nuk arrijne te kontribuojne me te drejtat qe kane per te qene partnere ne menaxhimin e semundjeve te tyre”, theksoi dje, mjeku Jusuf Kalo, drejtor i kesaj qendre. Nga te dhenat rezulton se vetem 21,1 per qind e pacienteve kane informacion per te drejtat e tyre, per informacionin qe ata kane kur duan te kryejne nje ankese ne spitale ndaj sjelljes apo cilesise se stafit mjekesor.
Ndryshimet
Spitalet do permiresojne sherbimet me te dobeta
Pas matjes se cilesise nga vetedeklarimet qe kane bere spitalet me te medha ne vend, tashme iu jane lene edhe detyrat qe duhet te permbushin. Keshtu, nese nje spital ka rezultuar i dobet ne sherbimin mjekesor qe u jepet pacienteve, kjo duhet te jete edhe pika ku duhet te punohet. E ndersa kete here kane qene spitalet qe kane dhene te dhenat e kerkuara, ne studimin e dyte do te jene vete drejtuesit e Qendres Kombetare te Cilesise, Sigurise dhe Akreditimit te Institucioneve Shendetesore, te cilet do te inspektojne keto spitale. “Nese sot kane qene vete keta drejtues qe kane dhene informacionin, neser do te jemi ne, ata qe do te inspektojme dhe do te vendosim notat per keto spitale. Keto nota do te percaktojne edhe akreditimin e tyre”, ka pohuar Kalo. Nese nje spital eshte ne nivelin mesatar do te marre akreditimin per nje vit, por nese ploteson mbi 75 per qind te sherbimeve kryesore, atehere merr akreditimin e plote per 3 vjet.

Sherbime te dobeta:

Infermieror
Tepelena
Lushnja
Shkodra
Mjekesor
Berati
Shkodra
Tepelena
Ambientet
Tepelenes
Shkodres
Lushnjes