Ushtaraket, protesta per pensionet suplementare

Qindra ushtarake protestuan dje para institucioneve shteterore kunder qeverise e cila nuk miraton ligjin per pensionet suplementare te tyre. Ashtu sic paralajmeruan te mbeshtetur dhe nga organizata “Mjaft” dhe opozita, ushtaraket u rreshtuan dje para Ministrise se Mbrojtjes, Kryeministrise dhe Presidences, duke kerkuar venien ne zbatim te vendimit te Gjykates Kushtetuese per pensionet e tyre. Gjate protestes paqesore ushtaraket ne lirim kerkuan para Ministrise se Mbrojtjes doreheqjen e ministrit Fatmir Mediu. Kjo per shkak te mos venies ne zbatim te ligjit per statusin e tyre. Nderkohe qe duke vijuar protesten paqesore para kryeministrise, ata kritikuan qeverine se nuk mbajti premtimin e bere se do te zgjidhe nje here e mire ceshtjen e tyre. Ne marshimin e bere ne Bulevard, ushtaraket mbanin parulla ne duar ku kerkonin zgjidhjen e problemit te tyre, zbatimin e ligjeve dhe vendimeve te Gjykates Kushtetuese. Kjo shtrese e shoqerise do i leje nje jave ne dispozicion qeverise qe te jape nje pergjigje se si do te veprohet me pensionet suplementare te ushtarakeve e nese nuk do te kete ndryshim, protestat do te rinisin ne 20 dhjetor. Ne krah te tyre jane afruar dhe deputetet e opozites se majte. Ne protesten e djeshme pro ushtarakeve nuk ishin vetem socialistet, por edhe deputete te LSI-SE dhe PAD-se. Presidenti i shoqatave te ushtarakeve Mehdi Pogace ka premtuar se nese qeveria nuk e zgjidh nje here e mire ceshtjen e statusit te tyre, e percaktimin e pensioneve suplementare atehere protestat jo vetem qe do te vijojne, por zeri kunder qeverise do shtrihet deri tek institucionet nderkombetare NATO dhe BE.