V E N D I M PËR HAPJEN E PROGRAMEVE TË REJA TË STUDIMIT, PRANË SHKOLLËS SË LARTË PRIVATE “ISSAT”

V E N D I M

PËR 

HAPJEN E PROGRAMEVE TË REJA TË STUDIMIT, PRANË SHKOLLËS SË LARTË PRIVATE “ISSAT”

Në mbështetje të nenit 100 të Kushtetutës dhe të neneve 4, pika 2, 43, 44 e 45, të ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Shkencës, Këshilli i Ministrave

V E N D O S I:

14.   Lejimin e shkollës së lartë private “ISSAT”, Tiranë, për hapjen e programeve të studimit “Master i nivelit të parë”, në fushat:

a)     E drejtë ndërkombëtare;

b)     Studime evropiane dhe diplomaci;

c)     Menaxhim shëndetësor;

ç)  Psikologji sociale dhe e komunikimit.

2. Programet e studimit “Master i nivelit të parë” janë pjesë e studimeve të ciklit të dytë, me, së paku, plotësimin e 60 krediteve. Në mbarim të programeve të studimit lëshohet diplomë “Masteri i nivelit të parë” (MNP), në:

a)     “E drejtë ndërkombëtare”;

b)     “Studime evropiane dhe diplomaci”;

c)     “Menaxhim shëndetësor”;

ç)  “Psikologji sociale dhe e komunikimit”.

3. Lejimin e shkollës së lartë private “ISSAT”, Tiranë, për hapjen e programeve të studimit “Master i nivelit të dytë”, në fushat:

a)     Administrim-biznes, me profile:

i)      Menaxhim biznesi;

  ii)  Financë-kontabilitet;

                   iii)  Menaxhim i sistemeve të informacionit;

iv)      Menaxhim turizmi.

b)     Studime evropiane dhe diplomaci;

c)     E drejtë ndërkombëtare;

ç)  Menaxhim shëndetësor;

d)  Psikologji sociale dhe e komunikimit.

4.     Programet e studimit “Master i nivelit të dytë” do të jenë programe studimi të ciklit të tretë, në plotësimin e, të paktën, 60 krediteve. Në mbarim të programeve të studimit lëshohet diplomë “Master i nivelit të dytë” (MND), në:

a)     “Administrim biznes”, me profile:

i)      Menaxhim biznesi;

ii)     Financë-kontabilitet;

iii)    Menaxhim i sistemeve të informacionit;

iv)    Menaxhim turizmi.

b)     “Studime evropiane dhe diplomaci”;

c)     “E drejtë ndërkombëtare”;

ç)  “Menaxhim shëndetësor”;

d)  “Psikologji sociale dhe e komunikimit”.

5.     Shkolla e lartë private “ISSAT” do ta fillojë veprimtarinë mësimore për programet e studimit,  të përcaktuara në pikat 1 e 3, të këtij vendimi, pasi të ketë marrë, jo më vonë se dy javë para fillimit të vitit akademik, lejen përkatëse nga ministri i Arsimit dhe Shkencës.

Ministri e lëshon lejen pasi vlerëson se institucioni mësimor ka përmbushur angazhimet e deklaruara, në përputhje me udhëzimin e tij për këtë qëllim.

6.     Ndryshimet në vendndodhje, forma studimi, plane dhe programe, si dhe në elemente të tjera, të miratuara, bëhen pas miratimit nga Ministria e Arsimit dhe Shkencës.

7.     Shkolla e lartë private “ISSAT” duhet t’u nënshtrohet procesit të akreditimit institucional dhe të këtyre programeve të studimit, brenda afateve të përcaktuara në ligjin në fuqi.

8.     Ngarkohet Ministria e Arsimit dhe Shkencës për kontrollin periodik të ligjshmërisë në institucion dhe për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI  BERISHA