V E N D I M PËR HAPJEN E PROGRAMEVE TË STUDIMIT, MASTER I NIVELIT TË PARË NË MËSUESI, PËR ARSIMIN E MESËM, ME KOHË TË PLOTË, SI DHE MIRATIMIN E KUOTAVE TË PRANIMIT E TË TARIFËS SË SHKOLLIMIT NË KËTO PROGRAME, NË UNIVERSITETIN E TIRANËS, NË VITIN AKAD

V E N D I M 

PËR 

HAPJEN E PROGRAMEVE TË STUDIMIT, MASTER I NIVELIT TË PARË NË MËSUESI, PËR ARSIMIN E MESËM, ME KOHË TË PLOTË, SI DHE MIRATIMIN E KUOTAVE TË PRANIMIT E TË TARIFËS SË SHKOLLIMIT NË KËTO PROGRAME, NË UNIVERSITETIN E TIRANËS, NË VITIN AKADEMIK 2008-2009

Në mbështetje të nenit 100 të Kushtetutës dhe të neneve 26, 34, 42 e 75, të ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Shkencës, Këshilli i Ministrave

V E N D O S I:

1.         Hapjen, në Universitetin e Tiranës, të programeve të studimit, master i nivelit të parë në mësuesi, për arsimin  e mesëm, sipas fakulteteve, si më poshtë vijon:

a)       Në Fakultetin e Gjuhëve të Huaja:

i)                     Në lëndën “Gjuhë angleze”, në përfundim të të cilit lëshohet diplomë master i nivelit të parë, MNP, në mësuesi, për arsimin e mesëm, në lëndën gjuhë angleze;

ii)                   Në lëndën “Gjuhë frënge”, në përfundim të të cilit lëshohet diplomë master i nivelit të parë, MNP, në mësuesi, për arsimin e mesëm, në lëndën gjuhë frënge;

iii)                  Në lëndën “Gjuhë gjermane”, në përfundim të të cilit lëshohet diplomë master i nivelit të parë, MNP, në mësuesi, për arsimin e mesëm, në lëndën gjuhë gjermane;

iv)                  Në lëndën “Gjuhë italiane”, në përfundim të të cilit lëshohet diplomë master i nivelit të parë, MNP, në mësuesi, për arsimin e mesëm, në lëndën gjuhë italiane.

b)       Në Fakultetin Histori-Filologji:

i)                     Në lëndët “Gjuhë-Letërsi”, në përfundim të të cilit lëshohet diplomë master i nivelit të parë, MNP, në mësuesi, për arsimin e mesëm, në lëndët gjuhë-letërsi;

ii)                   Në lëndën “Histori”, në përfundim të të cilit lëshohet diplomë master i nivelit të parë, MNP, në mësuesi, për arsimin e mesëm, në lëndën histori;

iii)                  Në lëndën “Gjeografi”, në përfundim të të cilit lëshohet diplomë master i nivelit të parë, MNP, në mësuesi, për arsimin e mesëm, në lëndën gjeografi.

c)       Në Fakultetin e Shkencave të Natyrës:

i)                     Në lëndën “Kimi”, në përfundim të të cilit lëshohet diplomë master i nivelit të parë, MNP, në mësuesi, për arsimin e mesëm, në lëndën kimi;

ii)                   Në lëndën “Biologji”, në përfundim të të cilit lëshohet diplomë master i nivelit të parë, MNP, në mësuesi, për arsimin e mesëm, në lëndën bilogji;

iii)                  Në lëndën “Fizikë”, në përfundim të të cilit lëshohet diplomë master i nivelit të parë, MNP, në mësuesi, për arsimin e mesëm, në lëndën fizikë;

iv)                  Në lëndën “Matematikë”, në përfundim të të cilit lëshohet diplomë master i nivelit të parë, MNP, në mësuesi, për arsimin e mesëm, në lëndën matematikë.

2.         Programet e studimeve, master i nivelit të  parë në mësuesi, për arsimin e mesëm, realizohen me 60 kredite dhe zgjatja normale e tij është një vit.

3.         Kuotat e pranimeve në programet, master i nivelit të parë në mësuesi, për arsimin e mesëm, në Universitetin e Tiranës, për vitin akademik 2008-2009, të jenë, si më poshtë vijon:

a)       Në Fakultetin e Gjuhëve të Huaja:

i)  në lëndën gjuhë angleze                                                              180;

ii)  në lëndën gjuhë frënge                                                                80;

iii) në lëndën gjuhë gjermane                                                          80;

iv) në lëndën gjuhë italiane                                                               120.

b)       Në Fakultetin Histori-Filologji:

i)  në lëndën gjuhë-letërsi                                                                  120;

ii)  në lëndën histori                                                                            100;

iii) në lëndën gjeografi                                                                       100;

c)       Në Fakultetin e Shkencave të Natyrës:

i)  në lëndën biologji                                                                           60;

ii)  në lëndën kimi                                                                                30;

iii) në lëndën fizikë                                                                              60;

iv) në lëndën matematikë                                                                 40.

4.         Universiteti i Tiranës shpërndan kuotat e vëna në dispozicion në masën jo më pak se 30 për qind, për studentët, që kanë përfunduar, të paktën, ciklin e parë të studimeve në institucionet e tjera të arsimit të lartë, dhe jo më shumë se 70 për qind, për ata që i kanë përfunduar këto studime pranë tij. Në rastet kur nuk ka kandidatë nga institucionet e tjera të arsimit të lartë, që plotësojnë kriteret, atëherë Universiteti i Tiranës ka të drejtë ta plotësojë kuotën e vënë në dispozicion me studentët, që janë diplomuar në të. Kriteret e përzgjedhjes së kandidatëve, të përcaktuara nga njësitë kryesore të Universitetit të Tiranës, bëhen publike.

5.         Tarifa vjetore e shkollimit për studentët, që do të regjistrohen me kohë të plotë, në vitin akademik 2008-2009, të jetë sipas pikës 7/b/ii, të vendimit nr.1337, datë 10.10.2008, të Këshillit të Ministrave, “Për kuotat e pranimit në institucionet publike të arsimit të lartë për programet e studimit të ciklit të dytë dhe master i nivelit të parë, me kohë të plotë, si dhe tarifat e shkollimit për këto programe, të miratuara për vitin akademik 2008-2009”.

6.         Kandidatët, që u përkasin shtresave sociale, si: të verbër, të shurdhër, invalidë, paraplegjikë dhe tetraplegjikë, studentë me aftësi të kufizuara, fëmijë romë apo fëmijë të policëve, të rënë ose të plagosur, për shkak të detyrës, të të ish-të përndjekurve politikë, që do të fitojnë të drejtën për të ndjekur një program studimi, master i nivelit të parë në mësuesi, në institucionet publike të arsimit të lartë, të paguajnë 50 për qind të tarifës së shkollimit.

7.         Studenti i nënshtrohet vetëm një tarife vjetore shkollimi.

8.         Në çdo program studimi, në ciklin e dytë të studimeve me kohë të plotë, në vitin akademik 2008-2009, studentët e shkëlqyer nga cikli i parë dhe nga cikli i dytë, nuk e paguajnë tarifën e shkollimit në vitin pasardhës. Në programet e studimit, master i nivelit të parë në mësuesi, për arsimin e mesëm, për lëndët fizikë, matematikë apo kombinimet e tyre, me kohë të plotë, në vitin akademik 2008-2009, studentët me mesatare të ciklit të parë jo më ulët se nota 8 (tetë) nuk paguajnë tarifën e shkollimit.

9.         Kuotat e pranimeve në programet e studimit, master i nivelit të parë në mësuesi, për arsimin e mesëm, sipas pikës 3, të këtij vendimi, që mbeten të parealizuara, rishpërndahen sipas institucioaneve publike të arsimit të lartë dhe programeve të ndryshme të studimit nga Ministria e Arsimit dhe Shkencës.

10.     Këto programe studimi të fillojnë veprimtarinë mësimore në vitin akademik 2008-2009.

11.     Efektet financiare, që rrjedhin nga zbatimi i këtij vendimi, të përballohen nga buxheti i vitit 2008, miratuar për Universitetin  e Tiranës.

12.     Ngarkohen Ministria e Arsimit dhe Shkencës dhe Universiteti i Tiranës  për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI  BERISHA