V E N D I M PËR HAPJEN E PROGRAMIT TË RI TË STUDIMIT, PRANË SHKOLLËS SË LARTË UNIVERSITARE PRIVATE, “KRISTAL”, DHE HAPJEN E FILIALIT NË QYTETIN E KUKËSIT

V E N D I M 

PËR 

HAPJEN E PROGRAMIT TË RI TË STUDIMIT, PRANË SHKOLLËS SË LARTË UNIVERSITARE PRIVATE, “KRISTAL”, DHE HAPJEN E FILIALIT NË QYTETIN E KUKËSIT

Në mbështetje të nenit 100 të Kushtetutës dhe të neneve 4, pika 2, 43, 44  e 45,  të ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Shkencës, Këshilli i Ministrave

V E N D O S I:

1.     Hapjen e programit të studimit, të ciklit të parë, në “Mësuesi për arsimin fillor”, në formën e studimeve me kohë të plotë, pranë shkollës së lartë universitare, private, “Kristal”, Tiranë.

2.             Kohëzgjatja  normale e programit të studimit, të ciklit të parë, të jetë 3 (tri) vite akademike, me plotësimin, së paku, të 180 krediteve. Në përfundim të këtij program studimi lëshohet diplomë e nivelit të parë, (DNP), në “Mësuesi për arsim fillor”.

3.             Hapjen e të njëjtit program studimi, të ciklit të parë, në formën e studimeve me kohë të plotë, në “Mësuesi për arsimin fillor”, në filialet e qytetit të Fierit dhe të qytetit të Korçës.

4.             Hapjen në qytetin e Kukësit, të filialit të Fakulteteve të Drejtësisë, të Shkencave Politike, të Infermierisë dhe të Administrim-biznesit, si pjesë përbërëse e shkollës së lartë universitare, private, “Kristal”, Tiranë.

5.             Hapjen e programeve të studimit të ciklit të parë, në formën e studimeve me kohë të plotë, në filialin e Kukësit, në:

a)        “Drejtësi”;

b)       “Marrëdhënie ndërkombëtare”;

c)        “Shkenca komunikimi”;

ç)  “Psikologji”;

d)  “Infermieri”;

    dh)  “Menaxhim biznesi”;

d)        “Financë”.

6.             Programet e studimit, të përcaktuara në pikat 3 e 5, të këtij vendimi, të jenë të njëta me programet e studimit, që shkolla e lartë universitare private, “Kristal”, ofron në selinë qendrore të saj, në Tiranë. Ato do të realizohen me 18 kredite dhe kohëzgjatja e tyre do të jetë 3 (tri) vite akademike. Në përfundim të programeve të studimeve lëshohet diploma e nivelit të parë (DNP), përkatësisht, në:

a)        “Drejtësi”;

b)       “Marrëdhënie ndërkombëtare”;

c)        “Shkenca komunikimi”;

ç)    “Psikologji”;

d)    “Infermieri”;

   dh)   “Menaxhim biznesi”;

d)       “Financë”.

7.             Ngarkohet shkolla e lartë universitare, private, “Kristal”, që, për çdo program studimi, të sigurojë, nëpërmjet marrëdhënieve kontraktuale, zhvillimin e disa prej disiplinave kryesore formuese të specialitetit,  pas vitit të parë, nga një personel akademik ³ huaj, me kualifikimin e nevojshëm.

8.             Shkolla e lartë universitare, private, “Kristal”, ta fillojë veprimtarinë mësimore për programet e studimit, të përcaktuara në këtë vendim,  pasi të ketë marrë, jo më vonë se dy javë para fillimit të veprimtarisë mësimore, lejen përkatëse nga ministri ³ Arsimit dhe Shkencës.

Ministri e lëshon lejen pasi vlerëson se institucioni mësimor ka përmbushur angazhimet e deklaruara, në përputhje me udhëzimin e tij për këtë qëllim.

9.             Ndryshimet në vendndodhje, plane, forma studimi dhe programe, si dhe në elemente të tjera, të miratuara, bëhen pas miratimit nga Ministria e Arsimit dhe Shkencës.

10.           Shkolla e lartë universitare, private, “Kristal”, duhet t’u nënshtrohet procesit të akreditimit institucional të këtyre programeve, brenda afateve të përcaktuara në ligjin në fuqi.

11.           Ngarkohet Ministria e Arsimit dhe Shkencës për kontrollin periodik të ligjshmërisë në institucion dhe për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI  BERISHA