V E N D I M PËR MIRATIMIN E LISTËS SË VENDEVE TË TRETA TË SIGURTA

 
V E N D I M

PëR

MIRATIMIN E LISTëS Së VENDEVE Të TRETA Të SIGURTA
 
 
Në mbështetje të nenit 100 të Kushtetutës dhe të nenit 28/1, të ligjit nr.8432, datë 14.12.1998, “Për azilin në Republikën e Shqipërisë”, të ndryshuar, me propozimin e ministrit të Brendshëm, Këshilli i Ministrave
 
 V E N D O S I:
 
 1.          Miratimin e listës së vendeve të treta të sigurta, sipas shtojcës nr.1, që i bashkëlidhet këtij vendimi.
 
2.          Herë pas here apo kur zhvillimet në një ose më shumë vende mund të sjellin ndryshime në kushtet e atij/atyre vendeve, në përputhje me  nenin 28/1, të ligjit nr.8432, datë 14.12.1998, “Për azilin në Republikën e Shqipërisë”, të ndryshuar, ministri i Brendshëm propozon ndryshimin e   kësaj liste.
 
 
3.          Në përgatitjen e ndryshimeve në listën e vendeve të treta të sigurta mbahen parasysh të dhënat, që merren nga organet e specializuara të shtetit shqiptar për përftimin e informacionit nga vendet e origjinës, listat e hartuara për qëllime të ngjashme nga shtete apo organizata ndërkombëtare, si dhe mendimi përkatës i UNHCR-së ose i organizatave ndërkombëtare për të drejtat e njeriut.
 
4.          Ngarkohet Ministria e Brendshme për zbatimin e këtij vendimi. 
 
Ky vendim hyn në fuqi pas botimit në “Fletoren zyrtare”.
 
 
K R Y E M I N I S T R I
SALI BERISHA23/12/2009