V E N D I M PËR SHTYRJEN E AFATIT TË PËRFUNDIMIT TË PROCEDURAVE TË PROKURIMIT PËR KUVENDIN E SHQIPËRISË, SI AUTORITET KONTRAKTOR

V E N D I M

PËR

SHTYRJEN E AFATIT TË PËRFUNDIMIT TË PROCEDURAVE TË PROKURIMIT PËR KUVENDIN E SHQIPËRISË, SI AUTORITET KONTRAKTOR

Në mbështetje të nenit 100 të Kushtetutës dhe të nenit 75, të  ligjit nr.9643, datë 20.11.2006, “Për prokurimin publik”, të ndryshuar, me propozimin e zëvendëskryeministrit,  Këshilli i Ministrave
 
V E N D O S I:

1.  Shtyrjen e afatit të përfundimit të procedurave të prokurimit, për vitin 2008, për Kuvendin e Shqipërisë, si autoritet kontraktor, deri më 22 dhjetor 2008.

Brenda kësaj periudhe të përfshihen edhe publikimi i fituesit dhe publikimi i njoftimit të kontratës së lidhur në buletinin e Agjencisë së Prokurimit Publik.

2.  Ngarkohen administrata e Kuvendit dhe Agjencia e Prokurimit Publik për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

SALI BERISHA