VENDIM PER NJË SHTESË FONDI NË BUXHETIN E MINISTRISË SË SHËNDETËSISË, MIRATUAR PËR VITIN 2010, PËR MBULIMIN E PJESSHËM TË SHPENZIMEVE TË KURIMIT, NË MAQEDONI, TË SHTETASIT SULEJMAN TAFÇIU

V E N D I M

PëR

NJë SHTESë FONDI Në BUXHETIN E MINISTRISë Së SHëNDETëSISë, MIRATUAR PëR VITIN 2010, PëR MBULIMIN E PJESSHëM Të SHPENZIMEVE Të KURIMIT, Në MAQEDONI, Të SHTETASIT SULEJMAN TAFçIU

Në mbështetje të nenit 100 të Kushtetutës, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, dhe të nenit 13, të ligjit nr.10190, datë 26.11.2009, “Për buxhetin e vitit 2010”, me propozimin e ministrit të Shëndetësisë, Këshilli i Ministrave

V E N D O S I:

1. Ministrisë së Shëndetësisë, në buxhetin e miratuar për vitin 2010, zëri “Shpenzime operative”, t’i shtohet fondi prej 3 000 000 (tre milionë) lekësh, për mbulimin e shpenzimeve të kurimit, në Maqedoni, të shtetasit Sulejman Tafçiu.

2. Ky fond të përballohet nga fondi rezervë i buxhetit të shtetit.

3. Pagesa të bëhet kundrejt paraqitjes së faturave origjinale të institucionit shëndetësor të kurimit.

4. Ngarkohen Ministria e Shëndetësisë dhe Ministria e Financave për zbatimin e këtij vendimi.

Ky vendim hyn në fuqi menjëherë.

K R Y E M I N I S T R I

SALI BERISHA