V E N D I M

PËR

DISA SHTESA E NDRYSHIME NË VENDIMIN NR.343, DATË 27.3.2008, TË KËSHILLIT TË MINISTRAVE, “PËR MIRATIMIN E BURIMEVE DHE TË PROCEDURAVE TË FINANCIMIT TË DËMEVE PASURORE TË SHKAKTUARA NGA AKSIDENTI  TEKNOLOGJIK I GËRDECIT”

Në mbështetje të nenit 100 të Kushtetutës dhe të nenit 21, të ligjit nr.9836, datë 26.11.2007, “Për buxhetin e shtetit, të vitit 2008”, të ndryshuar, me propozimin e ministrit të Financave, Këshilli i Ministrave

V E N D O S I :

Në vendimin nr.343, datë 27.3.2008, të Këshillit të Ministrave, të bëhen shtesa e ndryshimet e mëposhtme:

1.       Në fund të pikës 1 shtohen fjalët:

“… dhe vendimin nr.817, datë 11.6.2008, të Këshillit të Ministrave, “Për miratimin e vlerës së dëmeve të shkaktuara në objekte, pronë private, si rrjedhojë e aksidentit teknologjik, të ndodhur në Gërdec, dhe të listave me emrat e individëve e të personave, fizikë e juridikë, që do të kompensohen…”.

2.       Në pikën 2 bëhen ndryshimet, si më poshtë vijon:

a)       Në paragrafin e parë shifra “…1 572 milionë lekë…” zëvendësohet me “…2 507 900 412( dy miliardë e pesëqind e shtatë milionë e nëntëqind mijë e katërqind e dymbëdhjetë) lekë…”.

b)       Në shkronjën  “a”, shifra “…150 000 000 (njëqind e pesëdhjetë milionë) lekë…” zëvendësohet me  “…469 000 000 (katërqind e gjashtëdhjetë e nëntë milionë) lekë...”.

c)       Në shkronjën “c” shifra “…622 000 000 (gjashtëqind e njëzet e dy milionë) lekë…” zëvendësohet me “…1 238 900 412 ( një miliard e dyqind e tridhjetë e tetë milionë e nëntëqind mijë e katërqind e dymbëdhjetë) lekë...”.

3.       Ngarkohet Ministria e Financave për zbatimin e këtij vendimi.

Ky vendim hyn në fuqi menjëherë.

K R Y E M I N I S T R I

SALI BERISHA