VENDIM PËR SHPRONËSIMIN, PËR INTERES PUBLIK, TË PRONARËVE TË PASURIVE TË PALUAJTSHME, PRONË PRIVATE, QË PREKEN NGA ZGJERIMI I VARREZAVE NË KOMUNËN XHAFZOTAJ, DURRËS
V E N D I M
PËR
SHPRONËSIMIN, PËR INTERES PUBLIK, TË PRONARËVE TË PASURIVE TË PALUAJTSHME, PRONË PRIVATE, QË PREKEN NGA ZGJERIMI I VARREZAVE NË KOMUNËN XHAFZOTAJ, DURRËS
Në mbështetje të nenit 100 të Kushtetutës dhe të neneve 5, pika 1, 20 e 21, të ligjit nr.8561, datë 22.12.1999, “Për shpronësimet dhe marrjen në përdorim të përkohshëm të pasurisë, pronë private, për interes publik”, me propozimin e ministrit të Brendshëm, Këshilli i Ministrave
V E N D O S I :
1. Shpronësimin, për interes publik, të pronarëve të pasurive të paluajtshme, pronë private, që preken nga zgjerimi i varrezave në komunën Xhafzotaj, Durrës.
2. Shpronësimi të bëhet në favor të komunës Xhafzotaj. Regjistrimi i ri i pasurisë, 2 000 (dy mijë) m2, tokë/arë, të bëhet brenda 30 ditëve nga data e hyrjes në fuqi e këtij vendimi.
3. Pronarët e pasurive të paluajtshme, që shpronësohen, të kompensohen në vlerë të plotë, sipas masës përkatëse, që paraqitet në tabelën, që i bashkëlidhet këtij vendimi, për sipërfaqen 2 000 (dy mijë) m2, tokë/arë, me vlerë të përgjithshme shpronësimi 2 500 000 (dy milionë e pesëqind mijë) lekë.
4. Vlera e shpenzimeve procedurale të përballohet nga komuna Xhafzotaj.
5. Vlera e përgjithshme e shpronësimit, 2 500 000 (dy milionë e pesëqind mijë) lekë, të përballohet nga të ardhurat e komunës Xhafzotaj, planifikuar në buxhetin e vitit 2008.
6. Afati i përfundimit të procedurës së shpronësimit të jetë tre muaj pas hyrjes në fuqi të vendimit.
7. Afati i përfundimit të punimeve në objektin “Zgjerimi i varrezave publike të komunës” të jetë në përputhje me afatet e parashikuara nga komuna Xhafzotaj, për realizimin e këtij projekti.
8. Ngarkohen Ministria e Brendshme dhe komuna Xhafzotaj për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
SALI BERISHA
24/12/2008