VENDIM PËR SHPRONËSIMIN, PËR INTERES PUBLIK, TË PRONARËVE TË PASURIVE TË PALUAJTËSHME, PRONË PRIVATE, QË PREKEN NGA ZGJERIMI I VARREZAVE PUBLIKE, NË BASHKINË E PËRMETIT

V E N D I M

PëR

SHPRONëSIMIN, PëR INTERES PUBLIK, Të PRONARëVE Të PASURIVE Të PALUAJTëSHME, PRONë PRIVATE, Që PREKEN NGA ZGJERIMI I VARREZAVE PUBLIKE, Në BASHKINë E PëRMETIT

Në mbështetje të nenit 100 të Kushtetutës dhe të neneve 5, pika1, 20 e 21, të ligjit nr.8561, datë 22.12.1999, “Për shpronësimet dhe marrjen në përdorim të përkohshëm të pasurisë, pronë private, për interes publik”, me propozimin e ministrit të Brendshëm, Këshilli i Ministrave

V E N D O S I:

1. Shpronësimin, për interes publik, të pronarëve të pasurive të paluajtshme, pronë private, që preken nga zgjerimi i varrezave publike, në bashkinë e Përmetit.

2. Shpronësimi bëhet në favor të bashkisë së Përmetit.

3. Pasuritë, në sipërfaqen prej 3996 (tre mijë e nëntëqind e nëntëdhjetë e gjashtë) m² tokë arë, pronë private që shpronësohen, si dhe pronarët që shpronësohen, janë sipas tabelës bashkëlidhur këtij vendimi dhe pjesë përbërëse e tij.

4. Masa e shpërblimit të pronarëve, pasuritë pronë private të të cilëve shpronësohen, është 2 197 800 (dy milionë e njëqind e nëntëdhjetë e shtatë mijë e tetëqind) lekë. Vlera e përgjithshme e shpronësimit të përballohet nga të ardhurat e bashkisë së Përmetit, planifikuar në buxhetin e vitit 2010.

5. Afati i përfundimit të procedurës së shpronësimit të jetë tre muaj, pas datës së hyrjes në fuqi të këtij vendimi.
6. Vlera e shpenzimeve procedurale të përballohet nga bashkia e Përmetit.
7. Afati i përfundimit të punimeve për këtë objekt të jetë në përputhje me afatet e parashikuara nga bashkia e Përmetit, për realizimin e këtij projekti.

8. Regjistrimi i ri i pasurisë prej 3996 (tre mijë e nëntëqind e nëntëdhjetë e gjashtë) m² tokë arë, shpronësuar në favor të bashkisë së Përmetit, të bëhet brenda 30 ditëve, nga data e hyrjes në fuqi të këtij vendimi.

9. Ngarkohen Ministria e Brendshme dhe bashkia e Përmetit për zbatimin e këtij vendimi.

10. Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

SALI BERISHA