VV: Qeveria me avazin, LDK as mish as peshk

Glauk Konjufca

Kuvendi i Kosovës me shumicë votash ka rrëzuar mocionin e kërkuar nga Lëvizja Vetëvendosje për veriun e vendit. Kërkesa u rrëzua me 54 vota kundër dhe 17 pro.

Grupi Parlamentar i Vetëvendosjes paraqiti mocionin me katër pika ku kërkohet që institucionet e rendit të Kosovës të angazhohen vetë për heqjen e barrikadave në veri si dhe të ndërpriten bisedimet me Serbinë dhe ti shpallen të pavlefshme e të pazbatueshme marrëveshjet e arritura deri tani.Deputeti i VV, Glauk Konjufca kërkoi që qeveria të bëjë të ditur nëse veriu ka qenë pjesë e ndonjë marrëveshje.

Pasi sulmoi qeverinë, Konjufca nuk ka la thumbuar edhe LDK-në që është edhe partia më e madhe opozitare. Mendoj se Partia në pushtet është me vazhdu me avazin e vjetër. LDK mendoj që si gjithmonë as mish as peshk, SLS edhe Lëvizja për Bashkim mendoj që e kanë shumë të kollajshem zgjidhjen e problemit të Kosovës se më lehtë është me ia dhënë Serbisë. AKR më kritike, por është te Qeveria. AAK ka qenë dukshëm më kritike me Qeverinë, ka vlerësuar Konjufca.