Vajza e Gaddafit kërkon hetimin e vdekjes së tij

Vajza e ish-diktarorit të Libisë, Muammar Gaddafit, i dërgoi një kërkesë zyrtare Organizatës së Kombeve të Bashkuara që të hetojë për vrasjen brutale të 69-vjeçarit në tetor, ngjarje që i dha fund luftës civile disa-muajshe në vend.

Në një letër të drejtuar selisë së OKB-së në Nju Jork, Aisha Gaddafi kërkon informacion mbi hapat që ka hedhur Gjykata Ndërkombëtare e Krimeve të Luftës, në hetimin e ekzekutimit së babait dhe vëllait të saj Mutassim.

Avokati që mbron interesat e saj, Nick Kaufman, theksoi se vrasja e tyre nuk justifikohet nga asnjë ligj, pasi në momentin e dorëzimit ata ishin të paarmatosur dhe nuk paraqisnin asnjë rrezik për asnjë.

69-vjeçari Muammar Gaddafi drejtoi Libinë nga viti 1969-2011, duke u shndërruar në një figurë me shumë dritë-hije në historinë e vendit afrikanoverior. Ai u rrëzua dhe më pas u vra, nga rebelët që nisën kundër tij një luftë të përkrahur nga NATO.