Varfëria, 64 vjeçari kishte paralajmëruar flijimin

SHKODËR - Vështirësitë ekonomike dhe gjendja jo e mirë shëndetësore, kanë ndikuar që 64 vjaçari Preng Ndue Ndokaj ti japë fund jetës. Ai është dërguar në urgjencën e spitalit rajonal të Shkodrës rreth orës 14:00 të së martës, ndërsa familjarët kanë konstatuar shqetësimet e tij. Me gjithë përpjekjet e mjekëve, 64 vjeçari Ndokaj i lindur në Kçirë të Pukës dhe banues në Laç të Vaut të Dejës në Shkodër, nuk ka mundur të mbijetojë.

Sipas mjekëve, vdekja e tij ka ardhur si pasojë e helmimit me fotoksinë. Të njohurit e viktimës, rhone se ai jetonte në vështirësi ekonomike, në banesë me qera, i martuar me një fëmijë dhe ishte edhe i sëmurë. Ai ndihmohej nga bashkëfshatarët e tij për të përballuar jetën e cila ishte shumë e vështirë ndaj shpesh kalonte në gjendje depresive dhe vazhdimisht pinte alkool.

Edhe para dy javësh ai kishte tentuar të vetëhelmohej me helm, por kishte mundur të shpëtonte.