Vargas përfundon sezonin

Fiorentina është goditur nga lajmi se Juan Manuel Vargas do të mungojë në dy ndeshjet e mbetura të sezonit, për shkak të lëndimit. Reprezentuesi peruan ka zgjatur ligamentet e gjurit gjatë një seance stërvitore dhe do të qëndrojë jashtë fushës për dy ose tri javë.

E ardhmja e tij në klub mbetet e paqartë, pasi Fiorentina synon të shesë dy-tre yje të ekipit në afatin kalimtar të verës. 26 vjeçari është njëri prej futbollistëve kryesorë të Fiorentinës, ndërsa kërkohet nga Real Madrid, Juventus dhe Inter.