Vasili: Prokuroria të hetojë skandalin e Jalës
Berisha dhe ministrat e tij të japin menjëherë dorëheqjen, sepse të gjithë së bashku kanë gënjyer publikisht përpara parlamentit dhe popullit shqiptar, lidhur me problemin e prishjeve duke thënë se nuk dinin gjë dhe duke ja ngarkuar përgjegjësinë Bankës Botërore. Kështu është shprehur Sekretari i Përgjithshëm i LSI-së Petrit Vasili në një konferencë për shtyp. Sipas tij Prokuroria e Përgjithshme duhet të hetojë për të zbardhur të vërtetën lidhur me këtë shpërdorim skandaloz dhe të pashembullt me detyrën nga kryeministri dhe ministrat e tij.