Vasili: Rama e Berisha, te na furnizojne me uje

Levizja Socialiste per Integrim reagoi dje, lidhur me mungesen e ujit te pijshem ne shume zona te kryeqytetit. Sekretari i Pergjithshem i LSI-se, Petrit Vasili, duke ngritur nje shqetesim te tille, nuk vonoi te ironizonte turet e dialogjeve te ndermarra nga Kryeministri Berisha dhe kreu socialist, Rama. “Kryeministri mjek Berisha dhe kryetari i Bashkise se Tiranes te lene menjane dialogjet-monologje te tyre neper Shqiperi per NATO-n dhe luledelet neper male e fusha, por te zgjidhin problemin e ujit te pijshem per kryeqytetin, i cili po vuan sot me keq se nje qytet i humbur afrikan”, u shpreh Vasili, gjate nje deklarate per shtyp. Sipas tij, loja amorale me Ujesjellesin e Tiranes, e Berishes dhe kryetarit te Bashkise se Tiranes, Rama, ka bere qe qytetaret e Tiranes ta ndjejne veten te perbuzur, te neperkembur dhe te dhunuar ne qytetin e tyre per shkak te papergjegjshmerise se ketyre dy individeve. “Cdo alibi e Berishes dhe Rames per moszgjidhjen e situates se ujit te pijshem ne Tirane, duke lene pezull problemin e Ujesjellesit te Tiranes, nuk ben gje tjeter vecse rendon ne menyre te pashprese gjendjen per ta, duke bere qe qytetaret e Tiranes, te mos harrojne kurre kete situate te turpshme”.