Vasili: Sistem info. për fëmijët me anomali gjenetike

Ministri Vasili ishte i pranishëm në Konferencën shqiptaro-turke për Perinatologjinë. "Në kuadrin e reformës në shëndetësi dhe në fushën e shëndetit të gruas dhe fëmijës kanë filluar një sërë ndërhyrjesh, të cilat do të synojnë përmirësimin e cilësisë së shërbimeve dhe modernizimin e tyre", u shpreh ai.

Objektivat dhe ndërhyrjet për përmirësimin e aksesit dhe cilësisë së kujdesit përreth lindjes dhe fëminor janë prioritare për MSH-në dhe pjesë me rëndësi të Strategjisë të zhvillimit të sistemit shëndetësor shqiptar, të Strategjise Kombëtare për zhvillimin ekonomik dhe të sfidave per të arritur Objektivat e Zhvillimit te Mijëvjeçarit.

"Në këtë drejtim, një element me rëndësi i këtyre shërbimeve do të jetë edhe rritja e aftësive të personelit shendetesor, që ofron këtë kujdes në të tre nivelet, lidhur me kapjen e hershme të patologjive që rëndojne gjendjen shëndetësore në periudhën perintale dhe referimin e tyre në qëndrat e specializuara", theksoi ministri Vasili.