Vasili:Rriten shifrat e grave me kancerin në mitër

Kanceri i qafës së mitrës po rrit frikshëm shifrat e vdekjeve në Shqipëri. Sipas Ministrit të Shëndetësisë Petrit Vasili, numri i të prekurve nga kanceri në qafën e mitrës vazhdon të ritet me 25 gra për çdo vit, ndërkohë që në 100.000 mijë të sëmura në vendin tonë 140 gra humbin jetën. Këto deklarata Vasili i bëri gjatë konferencës së dytë për kancerin e qafës së mitrës.
Ndërkohë Drejtori i ISHP, Alban Ylli theksoi se vihet re një mungesë e theksuar informacioni për sëmundjen e rëndë sidomos në zonat rurale. Sipas një grafiku të hartuar nga ISHP-ja, është vëne re se rreth 80.6 për qind e grave në fshat nuk kanë dëgjuar ndonjëherë për pap-testin, faktorët e riskut që shkaktojnë sëmundjen e rëndë të kancerit në qafën e mitrës, i dyti për nga numri i lartë i vdekjeve tek gratë, pas atij të gjirit, janë mungesa e kryerjes së pap-testit, pirja e duhanit, numri i madh i fëmijëve, përdorimi pa kriter i kontraceptivëve dhe dieta e varfër me mikronutriente. Sipas të dhënave të ISHP, në Shqipëri mosha më e prekur nga kanceri i qafës së mitrës është 20 deri në 50 vjeç. Ndërsa kompania prodhuese e vaksinës që të mbron nga kjo sëmundje do të ofrojë falas gjatë kësaj periudhe dozën e tretë të vaksinës për të gjitha gratë që duan ta aplikojnë atë. Po ashtu edhe pap testi në spitale për një javë do të bëhet falas.