Vazhdon beteja kundër zjarreve në Kolorado
Zjarri më shkatërrues në historinë e shtetit amerikan Kolorado, është vënë nën kontroll në 70 për qind të sipërfaqes së përfshirë.
Njoftimi erdhi pasi banorët kanë vizituar lagjet e tyre për vëzhguar dëmet nga afër, ku rreth 32.000 njerëz u detyruan të lënë qytetin e Colorado Springs.
Zjarret kanë përfshirë një zonë të madhe në perëndim të Shteteve të Bashkuara.
Zyrtarët në Kolorado thanë se 17,920 hektarë tokë dhe 346 shtëpitë janë djegur nga zjarri Ëaldo Canyon. Dy persona humbën jetën dhe flakët u përhapën javën e kaluar në kufijtë e qytetit të dytë më të madh të shtetit.
Stuhia dhe moti i ligë kanë ndihmuar më shumë se 1.500 zjarrfikës për të luftuar flakët, raportojnë zyrtarët.
Mendohet se zjarri në Kolorado do të vihet nën kontroll plotësisht më datën 11 korrik.