Vdes pasi dergohet ne spital, nje pacient 57-vjecar

Tirane-Nje pacient ka humbur jeten dje pasi ka shkuar me urgjence ne repartin e ORL-se, brenda ne Qendren Spitalore Universitare "Nene Tereza", Tirane. Burime spitalore bejne te ditur se 57-vjecari Edmond Beci, eshte derguar ne spital nga familjaret e tij, me probleme ne frymemarrje. Behet e ditur se mjekja e spitalit i ka vendosur menjehere oksigjen dhe pasi eshte permiresuar per disa minuta, eshte derguar drejt reanimacionit. Por gjate rruges per ne reanimacion, ai ka nderruar jete. Menjehere pas ngjarjes, familjaret te irrituar kane denoncuar vdekjen e te afermit te tyre, duke akuzuar mjeket per mjekim te gabuar, ndersa mjeket nga ana e tyre kane deklaruar se pacienti ka qene ne gjendje te rende, kur eshte sjelle ne spital. Sipas familjareve, ata e kishin cuar te afermin e tyre ne spital, pasi kishte disa shqetesime ne gryke, por nuk vuante nga ndonje semundje. Mjeket qe e kane marre pacientin ne trajtim, thane se dyshonin per kancer ne laring te tij. Megjithate nje pergjigje e sakte, do te merret pas autopsise qe do t'i behet viktimes ne morgun e spitalit. Mesohet se familjaret kane denoncuar ngjarjen ne polici, duke fajesuar mjeket per nderhyrje te gabuar. Per kete ngjarje kane nisur edhe hetimet, per gjetjen e shkaktareve qe cuan ne vdekjen e menjehershme te pacientit 57-vjecar. Gjithesesi, ekspertiza mjeko-ligjore, pritet te percaktoje edhe shkakun e vertete te kesaj ngjarje.