Vera, ndotja akustike zhvendoset ne bregdet
Stina e veres per nje pjese te madhe te banoreve te cilet jetojne ne zonat e plazheve kthehet ne makth nga muzika e larte. Kjo zhurme shkaktohet kryesisht nga lokalet dhe baret te cilet ne kete periudhe ofrojne muzike “live” per pushuesit, nderkohe qe per banoret e zonave turistike kjo kthehet ne nje makth te vertete. Kenge e rryma te ndryshme te perzgjedhura nga lokalet krijojne nje kolazh aspak te kendshem per degjuesit. Nga ana tjeter sipas studimeve te kryera nga Instituti i Shendetit Publik rezulton se gjate kesaj periudhe zhurmat jane larguar nga kryeqyteti dhe jane zhvendosur ne qytetet bregdetare. Keto te fundit jane me te ndotura ne kete sezon jo vetem per pastertine, por edhe per nga niveli i ndotjes akustike. Durresi kryeson listen ku 60 lokale punojne non stop dhe i kane bere pushimet te padurueshme per pushuesit, duke tejkaluar normat evropiane dyfish. “Ne studimin e fundit e kryer nga ana jone ka rezultuar se qyteti i Durresit ka edhe ndotjen me te madhe akustike per kete periudhe. Dhe kjo vertetohet me faktin se mbi 60 bare dhe restorante punojne 24 ore dhe ne oraret e kufizimit te energjise te gjitha subjektet private perdorin edhe gjeneratore qe ndikojne negativisht tek pushuesit. Kurse vendin e dyte e ze qyteti i Vlores e me pas Saranda dhe Shkodra” pohojne specialistet e ISHP-se. Sipas tyre, nga matjet e bera deri me tani rezulton se zhurmat jane dy here me te larta se normat e lejuara. Keshtu, nese Komuniteti Evropian ka percaktuar 35 decibel ndotjen me te larte ne qytetin e Durresit apo edhe qytete te tjera kjo zhurme eshte 75 decibel. Nga ana tjeter drejtues te bashkive te qyteteve bregdetare kane pohuar se do te marrin masa per baret dhe lokalet nese pas ores 12 te nates nuk do te pushojne se zhurmuari. Tejkalimi i normave evropiane te zhurmave qe jane zhvendosur nga zonat urbane ne plazhe, sipas specialisteve ka sjelle nje situate te rende e cila ka dale jashte kontrolleve. Edhe me pushime, turistet nuk mund te bejne rehat ne qytetet bregdetare. Por, nje ndotje e tille akustike sjell edhe probleme te medha ne shendetin e njerezve. Nderkohe qe mjeket nga ana tjeter deklarojne se si pasoje e ndotjes se larte akustike jane shtuar dhe crregullimet tek njerezit. Keshtu zhurmat e larta shkaktojne zemerim, agresivitet, crregullime psikike, probleme kardiovaskulare dhe rendim te degjimit. Njekohesisht probleme te shumta shfaqen dhe me kujtesen, e cila vjen duke u dobesuar me qendrimin ne ambiente te zhurmshme. Keshtu jo rralle, mjeket nuk jane ne gjendje te percaktojne nga vijne lloje te ndryshme semundjesh, por tani e kane nje shpjegim pothuajse per te gjitha, ndotja e ambientit.