Verstapen fiton garën sprint
Max Verstapen konfirmon formën mjaft të mirë dhe ia del të fitojë garën sprint duke siguruar kështu edhe pole position në çmimin e madh të Emilia Romagna në Itali. Piloti i Red Bull do ta nisë garën i pari edhe pse iu desh shumë mund për të fituar duelin kokë më kokë me rivalin e Ferrarit, Leklerk.
Emocione të mëdha në pistën e Imolas, me holandezin që e nisi keq pasi u parakalua shume shpejt nga Leklerk, por ky i fundit vuajti shumë konsumin e gomave aq sa gradualisht e dorëzoi pozicionin e parë në favor të Verstapen. Vendi i trete u arrit nga Sergio Perez po me Red Bull, kurse i katërti u rendit ferraristi tjeter, Carlos Sainz.
Vijon momenti katastrofik për Mercedes, Leëis Hemilton do ta nis garën nga pozicioni i 14-të kurse George Russell nuk shkoi me tej se vendi i 11-të.
KLASIFIKIMI
- Verstappen (Red Bull)
- Leclerc (Ferrari)
- Perez (Red Bull)
- Sainz (Ferrari)
- Norris (McLaren)
- Ricciardo (McLaren)
- Bottas (Alfa Romeo)
- Magnussen (Haas)
- Alonso (Alpine)
- Schumacher (Haas)
- Russell (Mercedes)
- Tsunoda (AlphaTauri)
- Vettel (Aston Martin)
- Hamilton (Mercedes)
- Stroll (Aston Martin)
- Ocon (Alpine)
- Gasly (AlphaTauri)
- Albon (Williams)
- Latifi (Williams)