Vetë plagoset aksidentalisht ushtari i Gardës

Një shkrepje aksidentale e armës së shërbimit ka lënë të plagosur një ushtar të Gardës së Republikës në qytetin e Durrësit. 21 vjecari është dërguar në Spitalin Ushtarak në kryeqytet dhe ndodhet jashtë rrezikut për jetën. 

DURRES- Një ushtar i Gradës i cili ishte duke kryer shërbimin në rezidencën qeveritare në Durrës , është vetëplagosur aksidentalisht më armën e shërbimit. Mësohet se ushtari i plagosur, është 21 vjecari Altin Duka. Burime nga policia kanë konfirmuar se ngjarja ka ardhur si rezultat i një shkrepjeje aksidentale të armës së shërbimit.
Duka është dërguar menjëherë në Spitalin Ushtarak në Tiranë, nga ku bëhet e ditur se ndodhet jashtë rrezikut për jetën. (e.n/Balkanweb)