Vetedorezohet vrasesi
KURBIN - Vetedorezohet vrasesi i 33-vjecarit Davit Perlala, nga qyteti i Rubikut, Fatmir Tuci, 31 vjec. Kjo u arrit pas negociatave te policise me te afermit e tij, qe e binden ate per t'u vetedorezuar ne Komisariatin e Policise se Mirdites. Burime policore saktesuan se Tuci vetem nje dite pas vrasjes se Perlales, me 24 dhjetor, i shpetoi per mrekulli nje operacioni te bluve te Kurbinit per kapjen e tij. Ai u rrethua ne fshatin Katund i Vjeter ne Rubik, por duke qene se e njihte shume mire zonen, mundi t'ua hedhe forcave blu, duke u arratisur, nderkohe qe ishte vetem pak metra larg tyre. Viktima Perlala ishte konflikuar nje jave para vrasjes me Tucin per motive te dobeta, debat qe degradoi deri ne rrahje me njeri-tjetrin. Sipas policise, Tuci mundi ta rrahe paq Perlalen, qe e la thuajse te masakruar ne hyrje te qytetit. Pas nje jave, Perlala se bashku me te vellane pane ne nje lokal Tucin dhe shkuan per ta rrahur. Por Tuci kishte me vete nje pistolete, qe gjate konfliktimit e shkrehu ne drejtim te 33-vjecarit, duke e lene te vdekur ne vend. Autori i krimit qelloi me tyten e armes edhe te vellane e viktimes, duke e lenduar rende. Ar. Bu