Vetem Pacollin AKR Do te shohim raportet me PDK-ne

Pas vendimit të Gjykatës Kushtetuese ende është e paqartë se si do të veprohet për zgjedhjen e Presidentit të Kosovës. Aleanca Kosova e Re kandidat për president të Kosovës do të ketë sërish Behgjet Pacollin, ndërsa nëse ky vendim nuk përmbushet nga Partia Demokratike e Kosovës.

AKR-ja do të shqyrtojë marrëveshjen për bashkëqeverisje. Ibrahim Makolli, ushtrues detyre i kryetarit të Aleancës Kosova e Re, tha se Behgjet Pacolli është kandidat jo vetëm i koalicionit për Kosovë të Re, por njëkohësisht edhe pjesë e marrëveshjes se koalicionit mes partnerëve qeverisës.

”Z. Pacolli jo vetëm që është i nominuar për president të vendit nga ana e koalicionit për Kosovë të Re, por është i nominuar edhe nga të gjithë partnerët qeverisës, prandaj do të vazhdoj të jetë kandidat për president nga koalicioni qeverisës. Në rast se ndonjë pikë e kësaj marrëveshje vihet në pikëpyetje, atëherë natyrisht si subjekt politik, pjesë e këtij koalicioni qeverisës, rezervojmë të drejtën për ta rishqyrtuar  gjithë marrëveshjen që e kemi arrit”- tha Ibrahim Makolli, ushtrues i detyrës së Kryetarit të AKR-së.

Kryetari i Lidhjes Demokratike të Kosovës, Isa Mustafa ka deklaruar para medieve se LDK-ja nuk do ta braktisë seancën kur do të zgjidhet presidenti nëse ka marrëveshje për një president konsensual. Edhe dy partitë e tjera opozitare Vetëvendosje dhe Aleanca për Ardhmërinë e Kosovës kërkojnë gjithashtu marrëveshje, në të kundërt do të bojkotojnë zgjedhjen e presidentit.

Delina Bitraku