Vetevritet 22- vjecari. Viktima djali i Faik Myrtaj

Bardhosh Myrjaj 22 vjec është gjetur i pajetë në kodrën e fshatit Kreshpan nga daja i tij. I riu është djali i Faik Myrtajt njërit prej viktimave të demostratës së opozitës në 21 janar përpara kryeminstrisë në Tiranë. Bardhoshi ka telefonar dajën e tij duke i thënë që të vinte të merrte motorrin, por kur ai ka mbërritur në kodër e ka gjetur nipin të goditur me pistoletë në kokë, gjë që në hetimet e para rezulton të jetë vetëvrasje.

Policia ka mbërritur në vendin e ngjarjes dhe ka dërguar trupin e të riut në morgun e spitalit të Fierit ku po i nënshtrohet ekspertizës për të konfirmuar pistën e vetëvrasjes.

Gjithashtu ekspertët e kriminalistikës kanë mbledhur të dhënat në vendin e ngjarjes për të vijuar hetimet e mëtejshme që do të cojnë në zbardhjen e plotë të arsyeve që shkaktuan humbjen e jëtës së 22 vjeçarit. Bardhosh Myrtaj ishte njëri prej 3 djemve të Faik Myrtaj.

Aleksandër Nushi