Vetëvritet Ardian Klosi

Mbrëmjen e së enjtes është gjendur i vetëvarur në banesën e tij në Tiranë publicisti i njohur, Ardian Klosi, raporton Top Channel. 

Mësohet se Ardian Klosi, baba i dy vajzave, ka kryer vetëvarjen me litar rreth orës 22.00 dhe rreth dy orë më pas u gjet i vdekur. I ndjeri ka lënë një letër si mesazh për dy vajzat dhe bashkëshorten e tij. Klosi, 55 vjecar, jetonte në një banesë tek lagjja “Komuna e Parisit”, pranë rezidencave Kodra e Diellit ku ai qëndronte vetëm kohet e fundit.

Ende nuk dihen shkaqet e vetëvrasjes së publicistit Ardian Klosi, ndërkohë që bëhet e ditur se ai kishte tentuar dhe më parë vetëvrasjen.

Ardian Klosi prej disa kohësh kishte shfaqur shenja depresioni.

Policia e Tiranës shkoi menjëherë në vendgjarje për të kryer procedurat dhe hetimet e nevojshme .

Z. Klosi do të mbahet mend për kontributin e tij në shoqërinë civile dhe publicistikë.