Vidhnin predha per skrap, ndalohen 6 persona

Gjashte persona jane vene nen hetim nga policia, pasi jane kapur duke vjedhur predha per skrap ne kraterin e shperthimit te fabrikes ne fshatin Gerdec. Policia e Tiranes ka bere te ditur dje se ka ndaluar dhe me pas vene nen hetim, Matash Ndoi, 38 vjec, lindur ne Puke dhe banues ne Tirane, Gezim Domi, 40 vjec, lindur ne Kukes banues ne Qerret, Durres, arsim 8 klase, i pa denuar, Kreshnik Hasa, 23 vjec, Faton Deda, 22 vjec, Abdul Hasa, 18 vjec dhe Tom Deda te gjithe banues ne fshatin Fllake, te Durresit. Burimet zyrtare te policise se kryeqytetit kane bere te ditur dje se te gjithe personat e vene nen hetim jane kapur duke vjedhur predha te shperthyera e te pashperthyera per skrap ne zonen e kraterit te Gerdecit, qe me pas do shitej. Te gjashte personat e dyshuar jane kapur ne flagrance nga sherbimet e uniformave blu te Vores, duke vjedhur skrap dhe predha dhe do te procedohen penalisht per konsumim te vepres penale te "vjedhjes", ndersa skrapi dhe predhat e vjedhura iu dorezuan sherbimeve ushtarake, qe jane ne zone. Sipas policise, jane kryer te gjitha veprimet procedurale, nderkaq qe eshte bere sekuestrimi i skrapit te vjedhur, 18 cope gezhoja dhe predha. Dosja per te hetuarit i ka kaluar Prokurorise se Tiranes, per vepren penale te "vjedhjes".