Vidhte skrap mbi tren, bie ne korrent dhe vdes

Durres- Nje 22 vjecar i sapomartuar ka mbetur viktime e tentatives per te grabitur skrap ne vagonet e trenit ne qytetin e Durresit. Shkak i vdekjes se Kujtim Kovacit, banues ne lagjen nr. 14 dhe i papune, eshte bere renia ne kontakt me rrymen elektrike. Nderkohe qe nje elektricist po lufton me vdekjen ne spital, pasi duke qene i shoqeruar nga djali i tij i mitur, 13 vjec, ka rene nga shtylla ku kishte hipur per riparimin e linjes. Nje tjeter ngjarje aksidentale ka ndodhur ne uren e trenit ne Ishem, kur nje 58-vjecar me biciklete, ka humbur ekuilibrin duke rene nga lartesia dhe tashme ndodhet ne spital, ne rrezik per jeten. Ngjarja e pare ka ndodhur ne zonen e Plazhit, prane stacionit te hekurudhes, kur Kujtim Kovaci se bashku me nipin K. Kovaci ka hipur ne vagonin e fundit te trenit te mallrave, me qellim marrje hekurishtesh per skrap. Gjate levizjes se trenit, nje tel korrenti i zhveshur e ka prekur ne qafe duke e rrezuar pertoke. Grupi hetimor konkludoi se shkak ka qene vetem rryma elektrike. Incidenti i dyte ka ndodhur mbremjen e se merkures, po ne zonen e Plazhit, kur nje 13 vjecar kerkoi ndihme per babane e tij elektricist P. B., qe kishte rene nga lartesia teksa perpiqej te riparonte nje defekt ne shtyllat e tensionit. Policia tha se ngjarja eshte aksidentale dhe babai i tre femijeve, ndodhet ne spital ne gjendje kritike. Kurse ne fshatin Murqine te Krujes, tek ura e trenit mbi lumin Ishem, eshte rrezuar me biciklete dhe ka rene nga lartesia prej rreth 8 metrash G. H., 58 vjec. I plagosuri u dergua ne spital, kurse mjeket po perpiqen ta mbajne ne jete.