Vijojne protesta, opozita: Zgjedhje te parakohshme

Dhuna dhe shkaterrimet ne Athine dhe qytete te tjera te Greqise, njohen mbreme nje spirale te re. Pas dy manifestimeve te mbremshme ne Athine nga grupe te rinjsh me maska, jane shkaterruar shume pjese te qytetit. Pas tre ditesh me trazira te medha, qeveria greke ka bere te ditur se do te veproje kunder huliganeve. Kryeministri konservator, Konstatinos Karamanlis, pas nje takimi te jashtezakonshem te qeverise, kercenoi me nje qendrim te ashper: "Per fat te keq dikush e shfrytezoi kete situate. Askush nuk ka te drejte te shfrytezoje kete ngjarje tragjike si nje justifikim per veprimet e dhunshme kunder qytetareve te pafajshem, pronave te tyre, kunder policise dhe demokracise", tha Karamanlis. Gjithnje e me teper qeveria e Karamanlisit po vendoset nen presionin politik. Udheheqesi i socialisteve ne opozite, Georgius Papandreu beri thirrje per zgjedhje te reja. "Qeveria nuk eshte ne gjendje te rivendose rendin dhe ajo ka humbur besimin e popullit grek", tha Papandreu. Kryeqyteti grek, Athina dhe qytetet e tjera te Greqise po jetojne me ankthin e nje nate tjeter dhune dhe shkaterrimesh ne qendrat e tyre. "Nje qytet, tek i cili nuk mund te qarkullosh, eshte nje qytet i huaj", reagoi deputetja e Partise Komuniste Lana Kaneli. "Ose do te ndalojme politiken qe armatosi doren e vrasesit, politiken e mos denimit dhe te inkriminimit te betejave shoqerore te rinise, ose do te jetojme gjithnje me tmerrin", thote kryetari i se majtes Aleksis Cipras. Kjo politike e mos denimit ndaj organeve te rendit, qe ne rastin e emigranteve eshte bere norme, sipas analisteve, ishte ajo qe pershkallezoi revolten antishteterore, e cila i kaloi caqet e vendit dhe shpertheu nga grupe anarkosindikaliste deri ne perfaqesite diplomatike ne Berlin, Paris, apo Londer. "Nje proteste pa dhune dhe kunder dhunes", ishte apeli per diten e djeshme dhene nga kryetari i Partise Socialiste, Jorgos Papandreu, i cili kerkoi qe t'i jepet fund qeverisjes se djathte.

Situata

Menaxhimi i nje situate te tille nuk eshte aspak i lehte per kryeministrin Karamanlis, i cili e filloi dje diten me viziten e tij te Presidenti i Republikes Papulias dhe pritjen ne vijim ne rezidencen e tij, te kryetareve te partive politike.