Viktime e trukimit Fenerbahce jashte Champions League
Fenerbahçe është viktima e parë e skandalit që tronditi gjatë kësaj vere futbollin turk. Federata në vend ka përjashtuar nga Liga e Kampioneve skuadrën si pasojë e presionit të UEFA-s, e cila vetëm një javë më parë i kërkoi autoriteteve të mbyllin hetimet në lidhje me rrjetin e basteve të paligjshme. Ky është vendimi i parë i qeverisë turke të futbollit, e cila vazhdon hetimet për skuadrat, futbollistët dhe presidentët që dyshohen se janë përfshirë në këtë rrjet.
Mbi 30 lojtarë dhe drejtues janë vënë në pranga, përfshirë këtu edhe presidentin e Fenerbahçe Aziz Yildiri, trajnerin dhe zëvendëspresidentin e Besiktashit. Këta persona akuzohen se kanë manipuluar 19 ndeshje në sezonin e shkuar. UEFA i kishte kërkuar Federatës Turke të Futbollit ndëshkime për skuadrat e përfshira në skandal, urdhëresë kjo që u zbatua duke përjashtuar nga Liga e Kampioneve fenerbahcen. Kjo është një goditje e rëndë për një nga klubet më të madhenj të futbollit turk, e në këtë sezon nuk do të marrë pjesë në kopmpeticionin më të madh të futbollit europian për klube.
Në Champions, Turqia do të përfaqësohet nga Trabzonspor, i cili u rendit i dyti në kampionatin e fundit. Sa i përket ndëshkimeve të tjera disiplinore presidenti i Federatës Turke të futbollit Mehmet Ali Aydinlar ka bërë të ditur se do të pritet mbyllja e hetimeve në lidhje me skandalin më të madh në historinë e futbollit turk.
Nertan Prifti
Mbi 30 lojtarë dhe drejtues janë vënë në pranga, përfshirë këtu edhe presidentin e Fenerbahçe Aziz Yildiri, trajnerin dhe zëvendëspresidentin e Besiktashit. Këta persona akuzohen se kanë manipuluar 19 ndeshje në sezonin e shkuar. UEFA i kishte kërkuar Federatës Turke të Futbollit ndëshkime për skuadrat e përfshira në skandal, urdhëresë kjo që u zbatua duke përjashtuar nga Liga e Kampioneve fenerbahcen. Kjo është një goditje e rëndë për një nga klubet më të madhenj të futbollit turk, e në këtë sezon nuk do të marrë pjesë në kopmpeticionin më të madh të futbollit europian për klube.
Në Champions, Turqia do të përfaqësohet nga Trabzonspor, i cili u rendit i dyti në kampionatin e fundit. Sa i përket ndëshkimeve të tjera disiplinore presidenti i Federatës Turke të futbollit Mehmet Ali Aydinlar ka bërë të ditur se do të pritet mbyllja e hetimeve në lidhje me skandalin më të madh në historinë e futbollit turk.
Nertan Prifti