Viti i Ri, 100 jetimë festojnë së bashku
Rreth 100 të rinj jetimë, djem dhe vajza të moshave 14-17 vjeç, të cilët jetojnë nëpër konviktet e shkollave të mesme të kryeqytetit, i janë gëzuar dje një dite të veçantë. Ata janë mbledhur së bashku nga Instituti Kombëtar i Integrimit të Jetimëve në një ceremoni festive me rastin e Vitit të Ri.
Ata janë jetimë, të privuar dhe të destinuar që të bëjnë gjithnjë jetë kolektive edhe në momente kur çdokush ka nevojë për pak çaste intime e familjare, për më shumë ngrohtësi e vëmendje për moshën e tyre të bukur e delikate, për më shumë dashuri dhe dinjitet njerëzor. Por në këtë ditë, ata nuk janë ndjerë vetëm, as të përjashtuar. Pak çaste shprese dhe optimizmi në jetën e tyre të vështirë "janë shtuar" posaçërisht për ta nën shoqërinë e një grupi artistësh të ftuar enkas për këtë ditë.
Momente shumë të ngrohta, vëllazërore e familjare u krijuan kur Zajmina Vasjari dhe Klajdi Musabelliu bënë rolin e kamerierit dhe u kanë shërbyer gjatë gjithë kohës këtyre të rinjve me servirjen e pjatave me produkte të ndryshme të ofruara bujarisht nga një qendër tregtare në kryeqytet.
Ata janë jetimë, të privuar dhe të destinuar që të bëjnë gjithnjë jetë kolektive edhe në momente kur çdokush ka nevojë për pak çaste intime e familjare, për më shumë ngrohtësi e vëmendje për moshën e tyre të bukur e delikate, për më shumë dashuri dhe dinjitet njerëzor. Por në këtë ditë, ata nuk janë ndjerë vetëm, as të përjashtuar. Pak çaste shprese dhe optimizmi në jetën e tyre të vështirë "janë shtuar" posaçërisht për ta nën shoqërinë e një grupi artistësh të ftuar enkas për këtë ditë.
Momente shumë të ngrohta, vëllazërore e familjare u krijuan kur Zajmina Vasjari dhe Klajdi Musabelliu bënë rolin e kamerierit dhe u kanë shërbyer gjatë gjithë kohës këtyre të rinjve me servirjen e pjatave me produkte të ndryshme të ofruara bujarisht nga një qendër tregtare në kryeqytet.