Viti i bankave
Viti 2010 ishte mjaft me bereqet për bankat në Kosovë. Në emër të masave për uljen e shpenzimeve, siç janë largimi i punëtorëve nga puna, rritja e kamatave në kredi dhe zvogëlimi i atyre në depozita, ky vit u përmbyll me profit neto prej 32.8 milionë eurosh.
Në anën tjetër, kamatat në kredi lëre që nuk pësuan rënie, por ato u rritën. Për me tepër, u ul edhe interesi në depozita, gjithnjë në emër të shpenzimeve.
Raporti i Bankës Qendrore të Kosovës për vitin 2010 tregon se norma mesatare e interesit në kredi u ngrit në 14.6 për qind, prej 14.4 për qind sa ishte vitin paraprak. Për t’i ulur shpenzimet, u ul edhe interesi në depozita.
“Norma mesatare e interesit në depozita u zvogëlua nga 4.3 për qind sa ishte në dhjetor 2009 në 3.7 për qind në dhjetor 2010”, thuhet në raport.
Zvogëlimi i normës së interesit për depozita, sipas raportit, mund të jetë rezultat i ngadalësimit të kredidhënies nga sistemi bankar, gjë që mund të ketë ndikuar në zvogëlimin e kërkesës së bankave për depozita.
Arsyetimi i bankave për kamatat e larta vjen kryesisht nga rreziku i likuiditeti, duke përfshirë këtu rrezikun për kthimin e kredive dhe proceset e vonuara gjyqësore.
Shkrimin e plotë mund ta lexoni në Express...