"Vleresojme Paktin e Rames, s'duam kushte"

Kryetari i Grupit parlamentar te Partise Demokratike, Astrit Patozi, deklaroi dje se dhe PD do te sillte se shpejti platformen e saj per reformen ne drejtesi. Duke vleresuar vullnetin e opozites per te bashkepunuar per kete reforme, Patozi deklaroi se mes dy platformave do te zgjidhen pikat e perbashketa per kete reforme. "Reforma ne drejtesi mund te konsiderohet e nisur tashme. Po keshtu ne frymen e rezolutes qe ne bashkerisht miratuam ne Parlament para disa ditesh, besoj se kjo oferte ka nevoje te plotesohet me propozimet tona qe ne shume shpejt do t'i bejme publike dhe do t'i paraqesim", deklaroi kreu i Grupit te PD-se. Patozi theksoi se jane te mirepritura edhe propozimet e te gjithe aktoreve te tjere politike qe jane te perfshire ne Komisionin e Ligjeve dhe ne pergjithesi per dy reformat e medha. Ne kete kuader, kreu i Grupit te PD-se deklaroi se ishte optimist per ecurine e reformave, duke theksuar se ekziston nje fryme bashkepunimi e admirueshme, e cila nuk mund te prishet nga detaje te vogla. Por, Astrit Patozi u shpreh kunder afateve standarde per perfundimin e ketyre reformave, duke theksuar se i rendesishem ishte procesi i bashkepunimit per te gjetur konsensusin. Ne kete menyre, Patozi theksoi se nuk ishte dakord me propozimin e PS-se per ta mbyllur kete proces me date 10 mars.
F.M