Vlorë, kapet peshkarexha italiane

Një peshkarexhë italiane është ndaluar mbrëmjen e djeshme nga Roja bregdetare e Forcave të Armatosura Shqiptare. Mjeti lundrues ndiqej prej tre ditësh, pasi ishte vënë re nga radarët. Anija italiane peshkonte në mënyrë të paligjshme dhe sapo motoskafët e Rojës Bregdetare Shqiptare i afroheshin, ajo largohej në ujërat ndërkombëtare, duke e bërë të pamundur kapjen e saj. Ministria e Mbrojtjes bëri të ditur se anija italiane ndodhet në Portin e Vlorës e bllokuar. Drejt portit janë nisur zyrtare të lartë të marinës ushtarake, të cilët do te procedojnë sipas ligjeve dhe konventave ndërkombëtare ne lidhje me këtë çështje.