Vlore, sherr per pronat tek vilat qeveritare
VLORE - Pronat ne zonen e Ujit te Ftohte konfliktojne Permbarimin me Drejtorine e Rezidences Qeveritare. Punonjes te Permbarimit u drejtuan dje ne zonen e vilave, ku ndodhet i bllokuar nje pallat ne ndertim. Sipas permbaruesve, ka nje vendim te formes se prere te gjyqesorit, i cili iu njeh te drejten e pronesise disa familjeve. Perfaqesues te ketyre te fundit, prezent dje prane rrethimit te vilave, u shprehen se kane fituar te drejten e posedimit te prones se tyre, çka pritej qe vendimin gjyqesor ta zbatonte Permbarimi. Por keta te fundit nuk jane lejuar nga ana e drejtorise se vilave. Madje, drejtoresha e Rezidences Qeveritare, Bahrije Isufi, dhe permbaruesi Dilaver Çeloaliaj shkembyen debate dje. Isufi i kerkoi permbaruesit prezencen e eprorit, ndonese ai i shpjegoi se po zbatonte ligjin dhe vendimin e gjykates. Pronaret e tokes u shprehen se kane fituar te drejten ne te gjithe shkallet e gjyqesorit. Sipas tyre, moszbatimi i ketyre vendimeve, te cilat kane marre dhe forme te prere, fshehin interesa te caktuara. Ata thane se prej me teper se dy vitesh, kjo çeshtje ishte zvarritur. Por ndonese gjykatat kishin vendosur ne favor te tyre, serish Drejtoria e Rezidences Qeveritare nuk pranonte te njihte as vendimin e gjykates. Punonjesit e Permbarimit u detyruan te terhiqen, ndersa banoret qe pretendojne te jene pronare ne keto toka prej vitit 1927, theksuan se do ta zgjidhin kete çeshtje edhe me force. Gjate ketij viti, por edhe atij te kaluar, ata jane perleshur disa here me forcat e policise, pasi u vendos rrethimi me mur i rezidences qeveritare. Ata nuk u lejuan te futeshin ne keto prona, ku kishin nisur madje edhe te ndertonin. q.b