"Vodafone", prane femijeve dhe te moshuarve ne nevoje

Nis turi i bamiresise se Fondacionit "Vodafone Albania", i cili ka ndaluar neper institucionet e shtepive te femijeve dhe azilet e te moshuarve. Ne diten e pare, festa filloi me femijet e Shtepise se Femijes, Sarande. Mes tingujve, kengeve e valleve, te pranishmit festuan me femijet. Bashke me urimet, 50 femijet e pranishem ne feste iu gezuan dhe pakove te pergatitura enkas per ta. Me pas, turi vizitoi azilin e te moshuarve ne Gjirokaster. Mes urimesh dhe emocionesh, skuadra e "Vodafone" qendroi me ore te tera me 52 azilantet, shkembeu me ta emocione e urime festash. Pjese e ketij turneu, ishte dhe takimi me banoret qe humben shtepite e tyre nga shembja e pallatit ne Gjirokaster. "Ne dhame shume dashuri dhe morem fjale zemre", tha drejtuesi i Fondacionit pas takimit me banoret e 15 familjeve. Per ta, pervec pakove te pergatitura, u be dhe shperndarja e dyte e paketave te ushqimeve si dhe krevateve, projekt ky i financuar nga Fondacioni "Vodafone" nepermjet Kryqit te Kuq Shqiptar. Fondacioni krahas te tjerave ka financuar qirate e banesave provizore per keta banore. Ndersa ne diten e trete, turi ndaloi ne Tirane, tek shkolla "Luigj Gurakuqi" per te gezuar e festuar me 90 femijet me nevoja speciale. Me vone, skuadra e "Vodafone", kishte takim me femijet e Gerdecit. Njeqind femijet e shkolles qe po rikonstruktohet me financim te Fondacionit "Vodafone Albania", gezuan emocione te vecanta kur moren pakot e pergatitura enkas per ta. Turi do te vazhdoje edhe ne ditet ne vazhdim, ne institucione e qytete te tjera, me me shume njerez qe gezojne.