Vodafone rrëmben dy çmime, “Menaxherin e Vitit” për Broumidis dhe suksesin e 3G

Viti 2011 ka qenë një vit i rëndësishëm për Vodafone Albania dhe për investimet që kompania ka realizuar për t’iu shërbyer sa më mirë klientëve të vet. Vodafone u nderua dje me dy çmime prestigjioze gjatë Forumit të 3-të Shqiptar të Telekomunikacionit InfoCom, një eveniment që nderon kompanitë novatore, shërbimet dhe produktet risi, si dhe drejtuesit e kompanive për kontributin e tyre në funksion të zhvillimit të industrisë së telekomunikacionit në Shqipëri gjatë këtij viti Vodafone Albania fitoi çmimin e Ekselencës për Biznesin 3G për investimin e kompanisë në sjelljen për herë të parë në Shqipëri të teknologjisë 3G si dhe çmimin Menaxher i Vitit për Drejtorin e Përgjithshëm të Vodafone Albania, Z. Haris Broumidis. Gjatë vitit 2011, Vodafone Albania fuqizoi pozitën si lider i tregut për të ardhurat në kushtet e një mjedisi sfidues me katër operatorë të pranishëm dhe në të njëjtën kohë vijoi të jetë lider në njohjen e markës. Në vitin 2011, kompania zgjeroi më tej rrjetin e saj të shitjes dhe ofroi shumë shërbime risi përmes rrjetit modern të teknologjisë 3G. Forumi i 3-të Shqiptar i Telekomunikacionit infoCom u organizua nga Smart Press S.A. me mbështetjen e Ministrisë së inovacionit dhe Teknologjisë së informacionit dhe Komunikimit. Smart Press S.A është një nga kompanitë mediatike lider në fushën e telekomunikacionit, organizatore konferencash e zotëruese e një numri të madh faqesh interneti e revistash te fokusuara në fushën e teknologjisë së informacionit.