Vrasja e dy policeve, Hasani ekspertize per probleme mendore

Tirane- Gjykata e Krimeve te Renda ka urdheruar dje kryerjen e nje ekspertize mjekoligjore per Afrim Hasanin, i akuzuar per vrasjen e dy efektivave te Policise Rrugore ne qytetin e Kukesit. Gjate procesit te djeshem, gjykata ka vendosur qe i pandehuri t'i nenshtrohet nje ekspertize, ku edhe do te konstatohet qe i pandehuri ka apo jo probleme mendore, ashtu sic edhe pretendon mbrojtja e tij. Dje ne gjykate kane bere betimin e tyre edhe dy eksperte, te cileve iu eshte dhene kohe 4 jave, per te kthyer pergjigje ne lidhje me ekspertizen. I pandehuri akuzohet se me 24 mars te ketij viti, ka hyre ne lokalin ku dy efektivet e policise po prisnin te merrnin sherbimin dhe ka qelluar mbi ta me bresheri automatiku, duke u shkaktuar vdekjen e menjehershme. Ramadan Hila eshte vrare me nje plumb ne koke, ndersa Shkelzen Dobrushi me pese plumba, nje ne koke dhe kater ne trup. Vrasja dyshohet te kete ndodhur pas nje denoncimi te bere nga ana e dy viktimave ne prokurori ne ngarkim te te pandehurit. Hasani eshte duke u gjykuar per veprat penale te "vrasje ne rrethana te tjera cilesuara", "goditje per shkak te detyres", "kundershtim te punonjesve te policise se rendit publik".

R.C