Ministria e Drejtesise, nis ndryshimet per ligjin e ekstradimeve

Tirane- Ligji i ekstradimeve eshte duke u ndryshuar nga ana e Ministrise se Drejtesise. Pas procedurave shume te gjata qe jane ndjekur per sjelljen ne vendin tone te personave te kapur ne vendet fqinje, Ministria e Drejtesise eshte duke pergatitur nje draft per ndryshimin e ligjit te ekstradimeve. Mesohet se pika kyce ku edhe do te behet ndryshimi eshte afati i dergimit te personave te arrestuar ne vendet fqinje, ne interes te vendit tone. Sipas burimeve nga Ministria e Drejtesise afati qe percaktohet ne ligjin e vjeter eshte brenda 40 diteve, nderkohe qe ne ligjin e ri percaktohet se sjellja e ketyre personave do te kryhet edhe brenda 3 diteve. Nje nga rastet e aplikuara ishte edhe sjellja e anetarit te "Bandes se Durres", Kristian Begut. Nga ana tjeter, burimet nga ministria kane shtuar se jane duke u kryer negociata me Belgjiken, per nenshkrimin e nje marreveshjeje mes dy paleve, nderkohe qe negociata do te kete edhe me vendet e tjera. Sipas burimeve nje nderhyrje tjeter qe pritet te behet ne kete ligj, eshte edhe per leter- porosite, te cilat ne shume raste jane kthyer ne nje problem per zgjatjen e proceseve gjyqesore. Per shkak te afateve te tejzgjatura, kolegjet penale detyrohen te shtyjne proceset deri ne mberritjen e ketyre leter-porosive, qe jane edhe kyce per mbarevajtjen e procesit.

R.Caushaj