Vriten dy trajnere te liges se trete Bafraspor

ANKARA - Tragjedi ne futbollin turk, pasi persona te armatosur hapen zjarr, duke vrare dy trajnere te ekipeve te Liges se Trete. Burime te cituara nga agjencia italiane e lajmeve Ansa, bene te ditur se ngjarja ka ndodhur dje, ne kryeqytetin turk, Ankara. "Dy trajnere te stafit teknik te klubit turk ne ligen e trete Bafraspor, jane vrare ne nje sulm te armatosur ne lokalet e klubit", njoftoi Ansa. Ajo detajoi se ne sulm jane vrare trajneri i portiereve Ismail Kurt, 43 vjec dhe shefi i stafit teknik, Sedat Gezer, 52 vjec. Policia turke nuk ka dhene hollesi mbi ngjarjen, por tha se behet fjale per nje ekzekutim te dyfishte te ardhur ne atentat. "Dy burra, te cilet ndodheshin ne ecje e siper me nje furgon te bardhe, i zune prite trajnereve dhe hapen zjarr ndaj tyre, duke i lene te vrare", sqaruan autoritetet policore. Nderkohe, i plagosur ne sulmin me arme zjarri, ka mbetur edhe 62-vjecari Engin Ozarslan, drejtori i Bafraspor. Ai eshte derguar ne spitalin shteteror, ku ndodhet nen kujdes mjekesor. Ndersa opinioni publik eshte tronditur per ngjarjen, hetuesit thane se po bejne perpjekje per te identifikuar autoret, me qellim arrestimin e tyre dhe venien para drejtesise.